ٹیکسلا کی عاصمہ بی بی کا مبینہ طور پر جنس تبدیل کرواکر لڑکا بننے کے بعد اپنی طالبہ نیہا سے شادی کا ڈراپ سین ہوگیا ہے، مبینہ آپریشن کے بعد عاصمہ بی بی سے علی آکاش بننے والے نے اپنی بیوی نیہا کو طلاق دیدی ہے۔

تفصیلات کے مطابق ٹیکسیلا میں مبینہ آپریشن کے بعد عاصمہ بی بی سے علی آکاش بننے والے نے اپنی بیوی نیہا کو طلاق دیدی ہے اس سے متعلق ذرائع کا کہنا ہے طلاق کا فیصلہ دونوں نے باہمی رضامندی سے کیا گیا ہے۔

یاد رہے کہ ٹیکسلا کی اسکول ٹیچر عاصمہ بی بی نے ڈیڑھ سال پہلے مبینہ طور پر ہارمونز میں تبدیلی محسوس کرنے پر ڈاکٹر سے رابطہ کیا۔ اور آپریشن کرکے لڑکی سے لڑکا بن گئی اور اپنا نام علی آکاش رکھ لیا۔

راولپنڈی ، لڑکی نے لڑکی سے شادی کرلی

بعدازاں عاصمہ نے علی آکاش بن کر اپنی طالبہ نیہا سے کورٹ میں  شادی کرلی تھی جبکہ نیہا کے والد نے اس شادی کو غیرقانونی اور غیرشرعی قرار دینے کے لیے

عدالت نے علی آکاش یا عاصمہ کو اپنی جنس میل ثابت کرنے کے لیے میڈیکل کرانے کا حکم دیا تھا جس کے متعلق ذرائع کا کہنا ہے علی آکاش عرف عاصمہ بی بی نے ابھی تک میڈیکل نہیں کرایا ہے۔

اس سے قبل دوسری جانب نیہا کے والد نے وکیل راجہ امجد جنجوعہ کے توسط سے ہائی کورٹ راولپنڈی بینچ میں رٹ دائر کردی ہے، اور پٹیشن ہائی کورٹ راولپنڈی بینچ میں سماعت کیلئے منظور بھی کرلی گئی ہے جبکہ لاہور ہائی کورٹ راولپنڈی بینچ نے نوٹس جاری کرتے ہوئے دونوں لڑکیوں کو بدھ 15 جولائی کو طلب کر لیا ہے۔

امجد جنجوعہ کا کہنا ہے کہ دونوں لڑکیوں کے نکاح نامے کا اندراج کنٹونمنٹ بورڈ وارڈ دس میں ہوا، آکاش علی کے لڑکی ہونے کی تمام دستاویزات عدالت کو فراہم کیں، نادرہ سے عاصمہ بی بی نے اپنا شناختی کارڈ تبدیل کروایا اورعاصمہ بی بی کے مطابق اس نے جنس تبدیل کروائی، جبکہ پاکستان میں جنس کی تبدیلی ناممکن بھی ہے اور غیر شرعی بھی۔