امریکی صدر ڈونلڈ ٹرمپ نے خبردار کیا ہے کہ اگر 15 ستمبر تک ٹک ٹاک ایپ خریدنے کا معاہدہ طے نہیں پاتا تو وہ امریکہ میں ٹک ٹاک ایپ بند کر دیں گے۔

تفصیلات کے مطابق امریکی صدر ڈونلڈ ٹرمپ کا مائیکرو سافٹ کے سربراہ کے ساتھ ٹیلی فونک رابطہ ہوا ہے، ٹرمپ نے  مائیکرو سافٹ کے سربراہ کے ساتھ ٹیلی فونک رابطے میں ایپ خریدنے کی صورت میں ٹیکس کا خاطر خواہ حصے کا مطالبہ کیا ہے۔

صدر ڈونلڈ ٹرمپ نے کہا ہے کہ مائیکروسافٹ کے ٹک ٹاک خرید لینے کی صورت میں حکومت کو ٹیکس وصول کرنا چاہیے، انہوں نے مزید کہا ہے کہ ہم ممکنہ کوششیں کر رہے ہیں کہ اگر مائیکروسافٹ ٹک ٹاک ایپ خرید لیتی ہے تو امریکی حکومت کوٹیکس کا ایک بڑا حصہ ملنا چاہیے۔

ڈونلڈ ٹرمپ نے کہا ہے کہ اس متعلق کسی نے بھی نہیں سوچا لیکن میں ایسا کر رہا ہوں کیونکہ میں ایسا ہی سوچتا ہوں اور میرے خیال میں یہ بہت ہی منصفانہ فیصلہ ہے۔

امریکی صدر نے ٹک ٹاک پر پابندی کا اعلان کردیا

 دوسری جانب ٹرمپ انتظامیہ نے چینی سوشل میڈیا جائنٹ بائٹ ڈانس کی ملکیت ٹک ٹاک اور دیگر پر ا لزام عائد کیا کہ وہ امریکی شہریوں کا ڈیٹا چینی حکومت کو فراہم کر رہی ہیں تاہم چینی حکومت اور ٹک ٹاک نے اس الزام کو مسترد کر دیا ہے۔

اس سے قبل امریکی صدر ڈونلڈ ٹرمپ نے سوشل میڈیا سے ناراضگی کے بعد اب ٹک ٹاک کے خلاف پابندی کا اعلان کردیا تھا۔

امریکی حکام نے خدشہ ظاہر کیا ہے کہ یہ سروس چینی خفیہ اداروں کا ہتھیار ثابت ہوسکتی ہے۔

امریکی حکام کا کہنا ہے کہ چینی کمپنی بائٹ ڈانس کی ملکیت والی اس ایپ کو امریکیوں کی ذاتی معلومات کو جمع کرنے کے لیے استعمال کیا جاسکتا ہے۔

میڈیا کے نمائندوں سے گفتگو کرتے ہوئے امریکی صدر ڈونلڈ ٹرمپ نے کہا جہاں تک ٹِک ٹِک کا تعلق ہے ، ہم ان پر امریکا میں پابندی عائد کرتے ہیں۔

امریکہ میں ٹک ٹاک پر جلد پابندی لگنے کا امکان

امریکی صدر ڈونلڈ ٹرمپ نے مزید کہا کہ ایمرجنسی معاشی طاقت یا ایگزیکٹو آرڈر کا استعمال کرتے ہوئے ہفتہ کے روز جلد ہی کارروائی کریں گے۔

یاد رہے کہ سوشل میڈیا ویب سائٹس ٹوئیٹر اورفیس بک سے جھگڑے کی گونج ابھی کم نہیں  ہوئی تھی کہ امریکی صدر ڈونلڈ ٹرمپ نے ٹک ٹاک پر پابند کی گھنٹی بجا دی تھی ۔

ٹرمپ کا یہ اقدام امریکا میں غیر ملکی سرمایہ کاری کی کمیٹی(سی ایف آئی یو ایس) کے جائزے کے بعد سامنے آیا ہے جو امریکی قومی سلامتی پر اثرانداز ہونے والے عناصر کی چھان بین کرتی ہے۔