وزیراعظم عمران خان عید الاضحیٰ پر پمز ہسپتال پہنچ گئے،جہاں انہوں نے سہولیات کا جائزہ لیا اور مریضوں کی عیادت کی۔

اس موقع پر ڈیوٹی پر موجود ڈاکٹروں اور ہسپتال انتظامیہ نے وزیراعظم کو ہسپتال میں مریضوں کو فراہم کی جانے والی سہولتوں کے بارے میں آگاہ کیا۔

وزیر اعظم عمران خان کا کہنا تھا کہ ہمارے جو حکمران آتے ہیں ان میں احساس کی کمی نظر آتی ہے، پمز اسپتال کے ڈاکٹرز کو سکھائے حکمران اورغریب شخص سے ایک جیسا رویہ رکھنا ہے۔

 عمران خان کا مزید کہنا تھا کہ شوکت خانم میں باقائدہ ٹریننگ دی جاتی ہے غریب اور امیر کے ساتھ یکساں سلوک کریں۔

دوسری جانب وزیراعظم عمران خان نے کراچی کی صورتحال کا نوٹس لے لیا، سوشل میڈیا پیغام میں عمران خان نے کراچی کے شہریوں کیلئے اصلاحاتی پیکج جلد لانے کا اعلان کیا ہے

وزیراعظم نے کراچی کی صورتحال کا نوٹس لے لیا، سوشل میڈیا کی وئب سا ئٹ ٹوئٹر پر اپنے پیغام میں عمران خان نے کراچی کے شہریوں کیلئے اصلاحاتی پیکج جلد لانے کا اعلان کیا ہے۔

وزیراعظم عمران نے اپنی ٹوئٹ پر لکھا کہ کراچی کے شہریوں کو کئی دہائیوں سے نظر انداز کیا گیا، ان کی مشکلات کو مدنظر رکھتے ہوئے عید اور 14 اگست کے موقع پر کراچی کےتمام ارکان اسمبلی کوعوام کی ہر ممکن مدد اور تعاون کی ہدایت بھی کردی گئی ہے۔