پاکستان افغان امن عمل میں اپنا کردار ادا کرتا رہے گا، وزیرخارجہ

وریشہ مسعود

13th Aug, 2020. 05:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان افغان امن عمل میں اپنا کردار ادا کرتا رہے گا، وزیرخارجہ

وزیرخارجہ شاہ محمود قریشی نے کہا ہے کہ پاکستان افغان امن عمل میں امن و استحکام کیلئے اپنا کردار ادا کرتا رہے گا۔

تفصیلات کے مطابق وزیراعظم کے نمائندہ خصوصی برائے افغانستان‏ ایمبیسڈر محمد صادق نے وزارت خارجہ میں آج وزیرخارجہ شاہ محمود قریشی سے ملاقات کی جس دوران افغان امن عمل سمیت خطے کے امن و استحکام کے حوالے سے تبادلہ خیال کیا گیا۔

ملاقات میں نمائندہ خصوصی برائے افغانستان ایمبیسڈر محمد صادق نے افغان امن عمل کی موجودہ صورتحال کے حوالے سے وزیر خارجہ کو مفصل بریفنگ دی۔

اس موقع پر وزیرخارجہ نے کہا کہ بین الافغان مذاکرات کے انعقاد سے افغانستان میں مستقل اور دیرپا قیام امن میں مدد ملے گی جبکہ افغانستان میں قیام امن سے پورے خطے میں امن و استحکام کی راہ ہموار ہو گی۔

پاکستان اورچین افغان امن عمل کیلئے تعاون کررہے ہیں، خسرو بختیار

وزیرخارجہ شاہ محمود قریشی نے مزید کہا کہ پاکستان افغان امن عمل سمیت خطے میں امن و استحکام کیلئے اپنا مصالحانہ کردار ادا کرتا رہے گا۔

وزیراعظم کے نمائندہ خصوصی برائے افغانستان‏ ایمبیسڈر محمد صادق سے شاہ محمود قریشی کی ہونے والی ملاقات میں سیکرٹری خارجہ سہیل محمود بھی شریک ہوئے۔