پاکستان شوبز انڈسٹری کے نامور اداکار اور گلوکار کے لیے صدر پاکستان عارف علوی کی جانب سے اہم اعلان کر دیا گیا۔

تفصیلات کے مطابق صدر پاکستان عارف علوی کی جانب سے مختلف شخصیات کو اعلیٰ سول ایوارڈز دینے کا اعلان کیا گیا ہے۔’

یاد رہے رہے اس میں پاکستانی گلوکار علی ظفر اور پاکستانی اداکار اور ہدایتکار ہمایوں سعید بھی شامل ہیں۔

پاکستان کے 74 ویں جشن آزادی کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا ہے۔

جنہیں آئندہ سال 23 مارچ کو یوم پاکستان پر ایوارڈز سے نوازا جائے گا۔

علاوہ ازیں جہاں غیر ملکی شخصیات کو ایوارڈز کے لیے نامزد کیا گیا ہے وہیں صدر مملکت نے میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے۔

دوسری جانب پاکستان کے اعلیٰ سول ایوارڈ کے لیے نامزد ہونے پر علی ظفر اور ہمایوں سعید اپنے رب تعالیٰ اور حکومت پاکستان کا شکریہ ادا کیا ہے ۔

دونوں فنکاروں کی جانب سے فوٹو ویڈیو شیئرنگ ایپلیکیشن انسٹاگرا م پر اسی متعلق ایک پوسٹ بھی شیئر کی گئی ہے ۔

گلوکار علی ظفر نے قائد اعظم کے مزار کے ساتھ اپنی ایک تصویر شیئر کرتے ہوئے لکھا ہے کہ انہیں حکومت پاکستان کی جانب سے ’پرائیڈ آف پرفارمنس‘ ایوارڈ سے نوازا گیا ہے۔

https://www.instagram.com/p/CD6A-vvl0rU/

انہوں نے کہا کہ وہ اپنے شائقین اور مددگاروں کی جانب سے ملنے والے اس پیار کے ہمیشہ مقروض رہیں گے۔

علی ظفر نے مزید کہا کہ وہ اللّٰہ کے عاجزی اور انکساری کے ساتھ شکر گزار ہیں۔

اس کے علاوہ پاکستان شوبز انڈسٹری کے نامور اداکار ہمایوں سعید نے بھی اللّٰہ کا شکر ادا کرتے ہوئے انسٹاگرام پر ایک پوسٹ شیئر کی ۔

ہمایوں سعید کی جناب سے شئیر کی جانے والی پوسٹ کی کیمشن میں اداکار نے لکھا کہ بےشمار نعتوں کے لیے وہ اللّٰہ پاک کے بے حد شکر گزار ہیں‘

Advertisement

Advertisement

View this post on Instagram

Advertisement

Advertisement

Advertisement

‪Thank you Allah for Your infinite blessings, for all the success You have given me and for all the achievements You have bestowed upon me. It is my great honour to recieve Pride of Performance from Government of Pakistan. Thank you all for all your love, support & appreciation‬

Advertisement

A post shared by Humayun Saeed (@saeedhumayun) on Aug 14, 2020 at 4:57am PDT

انہوں نے حاصل کرنے والی تمام کامیابیوں اور کامرانیوں کے لیے اللّٰہ پاک شکر ادا کرتے ہوئے مزید لکھا کہ حکومت پاکستان کی جانب سے پرائیڈ آف پرفارمنس ملنا اُن کے لیے بہت بڑے اعزاز کی بات ہے ۔

اداکار نے اپنی پوسٹ میں اپنے تمام مداحوں کا شکریہ ادا کرتے ہوئے لکھا کہ آپ سب کے پیار، حوصلہ افزائی اور تعریف کا بہت شکریہ ۔

واضح رہے کہ گلوکار و اداکارعلی ظفر اور اداکار ہمایوں سعید کے اعلیٰ ایوارڈ کے لیے نامزد ہونے پر اُن کے مداح بھی بہت خوش ہیں۔