پاکستان میں کورونا وائرس سے آج مزید 15 افراد جان کی بازی ہار گئے ، جس کے بعد اموات کی تعداد 6200 ہوگئی جبکہ متاثرہ مریضوں کی تعداد 290532 ہے۔

تفصیلات کےمطابق آج بلوچستان اور گلگت بلتستان میں کورونا سے 1،1 شخص، پنجاب اور خیبرپختونخوا میں 3،3 ، اسلام آباد میں 2 جبکہ سندھ میں کورونا سے ایک ہی دن میں 5 افراد جاں بحق ہوئے جس کے بعد ملک بھر کورونا وائرس سے جاں بحق افراد کی مجموعی تعداد 6200 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 2336 ، بلوچستان میں 139 ، خیبرپختونخوا میں 1242 ، آزاد کشمیر میں 61 ،اسلام آباد میں 175 ، گلگت بلتستان میں 62 ، پنجاب میں 2185 افراد جان کی بازی ہار چکے ہیں۔

پاکستان میں کورونا سے آج مزید 11 افراد جان کی بازی ہار گئے

یاد رہے اس سے قبل محکمہ صحت سندھ نے اپنے ایک بیان میں کہا کہ سندھ میں کورونا وائرس سے آج 9 مریض دم توڑ گئے، جس کے بعد صوبے بھر میں اموات کی مجموعی تعداد 2331 ہوگئی ہے۔

واضح رہے کہ ملک میں کورونا وائرس کے آج مزید 746 افراد میں مہلک وائرس کی تشخیص ہوئی جن میں سندھ سے 318 ، خیبرپختونخوا میں 64 ،  بلوچستان میں 49، پنجاب میں 264 ، گلگت بلتستان میں 27 ، آزاد کشمیر 13 جبکہ اسلام آباد میں 11 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 290532 تک پہنچ گئی ہے۔