وزیراعظم عمران خان نے عثمان بزدار کو پنجاب میں گورننس مزید بہتر بنانے کی ہدایت کردی۔

تفصیلات کے مطابق وزیراعظم عمران خان سے وزیراعلیٰ پنجاب عثمان بزدار کی ملاقات ہوئی جس میں پنجاب کی سیاسی صورتحال اور گورننس پر گفتگوکی گئی۔

اس موقع پروزیراعلیٰ پنجاب نے حکومتی کارکردگی سے وزیراعظم کو آگاہ کیا جبکہ وزرا کی پرفارمنس رپورٹ بھی وزیراعظم کو پیش کی۔

ملاقات میں وزیراعظم عمران خان نے پنجاب میں گورننس مزید بہتر بنانے کی ہدایت بھی دی۔

وزیراعظم نے وزیراعلیٰ پنجاب عثمان بزدار کو ملاقات میں ہدایت کرتے ہوئے کہا کہ عوام کو ریلیف فراہم کیا جائے

 واضح رہے اس سے قبل وزیراعلیٰ پنجاب سردار عثمان بزدار سے مختلف اضلاع سے تعلق رکھنے والے اراکین پنجاب اسمبلی کی ملاقات ہوئی تھی۔

وزیراعظم کی زیر صدارت کور کمیٹی کا اجلاس

وزیراعلیٰ پنجاب سردار عثمان بزدار نے کہا تھا کہ وزیراعظم عمران خان کا ”کرپشن فری پاکستان“ قوم کے دل کی آواز بن چکا ہے۔

عثمان بزدار نے یہ بھی کہا تھا کہ ارکان اسمبلی پنجاب کو مثالی صوبہ بنانے کے مشن میں میرے دست و بازو ہیں، سابق دور میں ملک کوقرضوں کے چنگل میں جکڑنے والے کس منہ سے رہنمائی کادعویٰ کرسکتے ہیں۔

وزیراعلیٰ پنجاب نے کہا تھا کہ پاکستان نے اپنے طرز عمل سے ثابت کیا ہے کہ وہ خطے میں امن کا خواہش مند ہےاورکرتارپور کوریڈوردونوں ممالک کے عوام کے درمیان تعلقات کو بہتر بنانے کیلئے ایک پل ہے۔

وزیراعلیٰ پنجاب سردار عثمان بزدار نے مزید کہا تھا کہ نئے پاکستان میں نہ کرپشن کی گنجائش ہے نہ کرپٹ عناصر کی اور ہم سچے جذبے سے عوام کی خدمت کررہے ہیں کیونکہ سمت درست اور نیت نیک ہے۔