پیپلز پارٹی سندھ کے سینیر رہنما نثار کھوڑو نے کہا ہے کہ سندھ کی تقسیم کی باتیں کرنے والے پاکستان کے دشمن ہیں، کراچی سندھ کا ہے اور سندھ کے کسی شھر کو اسلام آباد کی کالونی نہیں بننے دینگے۔

تفصیلات کے مطابق پیپلز پارٹی سندھ کے سینیر رہنما نثار کھوڑو نے سندھ کی وحدت کے خلاف سازشیں بند نہ ہونے کی صورت میں اسلام آباد کا رخ کرتے ہوئے کالاباغ ڈیم اور ایم آرڈی کی طرز پر تحریک چلانے کا اعلان کردیا۔

احتجاجی مظاہرے کو خطاب کرتے ہوئے نثار کھوڑو نے کہا کے آج کا سندھ بھر میں احتجاج سندھ میں نئے صوبے کا مطالبہ کرنے والوں اور کراچی پر قبضے کے خواب دیکھنے والوں کے لئے بھرپور جواب ہے۔

نثار کھوڑو نے کہا کے اگر سندھ دھرتی ماں کے خلاف سازشیں بند نہیں کی گئی تو پہر کالاباغ ڈیم اور ایم آرڈی کی طرز پر تحریک چلائینگے۔

پیپلز پارٹی سندھ کے سینیر رہنما نے یہ بھی کہا کہ پی ٹی آئی کی وفاقی حکومت کی کراچی کے روینیو پر نظر ہے اور این ایف سی میں صوبے کے حصے سے کٹوتی چاھتے ہیں اس لئے کراچی پر قبضہ کرنا چاھتے ہیں

پیپلز پارٹی کا سندھ کے مختلف شہروں میں احتجاجی مظاہرہ

نثار کھوڑو کا کہنا تھا کہ سندھ پر حملہ پاکستان پر حملہ ہے جبکہ پی ٹی آئی اور ان کے اتحادیوں کا سندھ توڑنے کا یہ خواب پرانہ ہے جو کبھی تعبیر نہیں ہوگا۔

پیپلز پارٹی سندھ کے سینیر رہنما نثار کھوڑو نے مزید کہا کہ یہ حکمران 18 ویں ترمیم کو ختم کرنا چاھتے ہیں،18 ویں ترمیم کا ہر موڑ پر دفاع کرینگے۔

یاد رہے کہ پاکستان پیپلز پارٹی سندھ کے تحت پی پی پی کراچی ڈویزن کی جانب سے کراچی پر وفاق کے قبضے اور سندھ کی تقسیم کی سازش کے خلاف صوبائی صدر نثار احمد کھوڑو کی قیادت میں کراچی پریس کلب کے باھر احتجاج کیا گیا۔

 احتجاجی مظاہرے میں وقار مھدی، راشد ربانی،سعید غنی، جاوید ناگوری، لال چند اکرانی، سمیت دیگر رہنماؤں اور بڑء تعداد میں خواتین و مرد کارکنان نے شرکت کی۔