میئر کراچی کا کہنا ہے کہ میں 3 کروڑ عوام کا مینڈیٹ لے کر آیا ہوں، وزیراعلیٰ سندھ سے زیادہ مینڈیٹ میرے پاس ہے، 4 سال سے رو رہا ہوں، مگر کوئی میری بات نہیں سنتا۔

تفصیلات کے مطابق میئر کراچی وسیم اختر نے نیوز کانفرنس کرتے ہوئے کہا کہ صدر پاکستان کو 3، وزیراعظم کو 7، گورنر سندھ کو 10 اور وزیراعلیٰ سندھ کو 20 خطوط لکھے، کراچی کے مسائل کے حل میں وفاقی اور سندھ حکومت سنجیدہ نہیں۔

انہوں نے کہا 77 ملین روپے کی لاگت سے کے ایم سی ہسپتالوں کیلئے ادویات خریدی، وسائل کی کمی شہر کی ترقی میں بڑی رکاوٹ ہے۔

اس دوران میئر کراچی جذباتی ہوکر رو پڑے۔

وسیم اختر نے کہا کہ کراچی کے مسائل پر اعلیٰ حکام  کو 77 خطوط لکھے، لیکن کوئی جواب نہیں آیا، خط پھینک دیئے، ایک ہی بار کراچی والوں کو زہر دے دو۔

ان کا مزید کہنا تھا کہ بلدیہ عظمیٰ کراچی کے دفتر میں جدید کیمرے لگائے گئے، کے ایم سی بلڈنگ کی تزئین و آرائش کی گئی، چاہتا ہوں شہریوں کو پتا لگے ہم نے کیا کام کیے۔