پاکستان کے معروف اداکارو پروڈیوسر ہمایوں سعید نے کہا کہ پاکستان میں بھی ’ارطغرل غازی‘ جیسے ڈرامے بنائے جا سکتے ہیں۔

ہمایوں سعید نے کہا کہ حکومت اگر مالی مدد کرے تو  پاکستان میں بھی ’ارطغرل غازی‘ جیسے ڈرامے بنائے جا سکتے ہیں۔

یاد رہے کہ ہمایوں سعید کی ایک ویڈیو سوشل میڈیا پر زیر گردش ہے جس میں اُن کا کہنا ہے کہ پاکستان میں بھی اسلامی تاریخ پر مبنی ڈرامے بنائے جاتے تھے۔

اداکار نے کہا کہ پاکستان میں مسلم ہیروز جیسے ٹیپو سلطان، ظہیر الدین بابر اور محمد بن قاسم وغیرہ کی زندگی پر ڈرامے بنائے گئے جنہیں بہت زیادہ پسند بھی کیا گیا تھا۔

انہوں نے مزید بتایا کہ آج کے دور میں پروڈکشن کا معیار جہاں پہنچ گیا ہے اس میں بہت بڑی لاگت کے ڈرامے بنتے ہیں جس کے لیے پروڈکشن ہاؤسز کو مالی سپورٹ کی ضرورت ہوتی۔

دوسری جانب ہمایوں سعید نے کہا کہ میں اسلامی فتوحات پر مبنی ’ارطغرل غازی‘ جیسے ڈرامے پروڈیوس کرسکتا ہوں لیکن اس کے لیے بڑے پیمانے پرسرمایہ کاری کی ضرورت ہے۔

انہوں نے بتایا کہ ترکی میں حکومت کی مالی مدد سے ’ارطغرل غازی‘ جیسا شاہکار ڈرامہ بنایا گیا۔

اس حوالے سے ہمایوں سعید کا کہنا تھا کہ اگر ہماری حکومت بھی مجھے یا کسی دوسرے باصلاحیت پروڈیوسر کا ساتھ دے تو ہم بھی یہ کام کر سکتے ہیں۔

واضح رہے کہ رواں سال پاکستان کے یومِ آزادی کے موقع پر ہمایوں سعید کو حکومتِ پاکستان نے تمغہ حسن کارکردگی  کے لیے نامزد کیا ہے۔