پاکستان اسٹاک ایکسچینج میں کاروباری ہفتے کے تیسری روز انڈیکس میں زبردست تیزی دیکھی گئی ہے جبکہ مارکیٹ 569 کے اضافے سے 40ہزار 862 پر بند ہوئی۔

کاروباری ہفتے کے تیسرے روز پاکستان اسٹاک ایکسچینج میں  569 پوائنٹس کا اضافہ ہوا، 569 پوائنٹس کے اضافے سے مارکیٹ 40 ہزار 862 پر بند ہوئی ہے۔

دن بھر مجموعی طور پر 375 کمپنیوں کے شیئرزمیں کاروبار ہوا، 218 کمپنیوں کے شیئرز کی قیمتوں میں اضافہ جبکہ 138 کے شیئرز کی قیمتوں میں کمی ہوئی ہے۔

مزید پڑھیں

ڈالر ایک بار پھر مہنگا ہوگیا

ڈالر کی قیمت میں ایک بار پھر اضافہ ہوگیا ہے۔ اسٹیٹ بینک...

مزید پڑھیں

سونے کی قیمت میں کمی کے بعد ایک بار پھر اضافہ

سونے کی قیمت میں کمی کے بعد ایک بار پھر اضافہ ہوگیا...

آج مارکیٹ کی بلند ترین سطح 40,894 جبکہ کم ترین سطح 40,292 رہی ہے، تیزی کے باعث آج مارکیٹ میں 1 عشاریہ 14 فیصد کا اضافہ ریکارڈ کیا گیا۔

دوسری جانب آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی قیمتوں میں آج بھی تیزی کا رجحان برقرار رہا ، فی تولہ سونا 100 روپے اضافے سے 1لاکھ 16ہزار 500 روپے کا ہوگیا ہے ۔

اس کے علاوہ دس گرام سونا 86 روپے کے اضافے سے 99ہزار 880 روپے کا ہوگیا ہے جبکہ عالمی صرافہ مارکیٹ میں سونا 3 ڈالر کی کمی سے 1920 ڈالر فی اونس کی سطح پر پہنچ گیا ہے۔

اس کے علاوہ فاریکس ڈیلرز کے مطابق انٹربینک میں ڈالر 168.37 سے بڑھ کر 168.43 روپے کا ہوگیا ہے۔

آج 26 اگست کو پاکستانی روپے کے مقابلے میں ڈالر، یورو، پاؤنڈ، ریال، درہم، دینار سمیت دیگر کرنسیوں کے نرخ یہ ہیں۔