فیس بک اور گوگل پر عائد ٹیکس ختم کرنے پر غور، برطانوی حکومت

اریبہ نثار

26th Aug, 2020. 11:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیس بک اور گوگل پر عائد ٹیکس ختم کرنے پر غور، برطانوی حکومت

برطانوی حکومت فیس بک اور گوگل پر عائد ٹیکس ختم کرنے پر غور کررہی ہے۔

امریکی ٹیکنالوجی کمپنیوں سے ہونے والی معمولی آمدنی اور یورپی بلاک سے نکلنے کے بعد امریکا سے تجارتی معاہدے میں مشکلات کا خدشہ ہے۔

غیر ملکی میڈیا رپورٹس کے مطابق وزیر خزانہ رشی سنک فیس بک اور گوگل جیسی امریکی ٹیکنالوجی کمپنیوں پر عائد ٹیکس ختم کرنے کا ارادہ رکھتے ہیں۔

اس مد میں متوقع صرف 500 ملین پاؤنڈ سٹرلنگ (654 ملین ڈالر ) سالانہ آمدنی ہے جو ملک کو درپیش 200 ارب پاؤنڈ سٹرلنگ کے قرضے کے مقابلے میں معمولی رقم ہے۔

علاوہ ازیں یہ ٹیکس برطانیہ کے یورپی بلاک سے انخلاءکے بعد امریکا کے ساتھ متوقع تجارتی معاہدے میں بھی رکاوٹ بن سکتا ہے۔

اسا حوالے سے انہوں نے بتایا کہ بڑی ٹیکنالوجی کمپنیز پر ٹیکس عائد کرنےکے بارے میں عالمی سطح پر بات چیت میں سستی کے باعث برطانیہ نے رواں سال اپریل میں ڈیجیٹل سروسز ٹیکس متعارف کرایا جس کے زمرے میں آنے والی فیس بک اور گوگل سمیت بیشتر امریکی کمپنیاں ہیں۔

واضح رہے کہ سالانہ صرف 65 کروڑ 40 لاکھ ڈالر ٹیکس وصول ہونے کا امکان ہے جس کا ملکی معیشت پر کوئی خاص اثر نہیں پڑتا۔