محکمہ موسمیات نے پیر سے منگل گرج چمک کے ساتھ  بارش کا امکان ظاہر کردیا۔

محکمہ موسمیات نے مون سون کے ساتویں اسپیل کی ایڈوائزری جاری کردی جس کے تحت کراچی سمیت سندھ بھر میں برسات کا امکان ہے جبکہ وفاقی دارالحکومت،پنجاب، بلوچستان ،خیبرپختونخوا  کے بیشتر شہروں میں بھی بارش کا امکان ہے۔
محکمہ موسمیات کا کہنا ہے کہ حیدر آباد ، سکھر ، لاڑکانہ، نواب شاہ، ٹھٹھہ، بدین  اورمیر پور خاص میں بارش کا امکان راولپنڈی،لاہور،فیصل آباد سمیت پنجاب کے بیشتر شہروں میں میگھا برسے گا۔

محکمہ موسمیات کا یہ بھی کہنا ہے کہ لسبیلہ،سبی،کو ہلو، بارکھان اورخضدار میں تیز ہواؤں  اورگرج چمک  کے ساتھ   مزید بارش ہوسکتی ہے جبکہ پشاور،سوات،مانسہرہ ،ایبٹ آباد سمیت خیبرپختون خواہ کے  کئی شہروں میں بھی برسات ہوگی

دوسری جانب کشمیراور گلگت بلتستان سمیت بالائی علاقوں میں بھی گھنگھور گھٹائیں برسنے کی پیش گوئی کی گئی ہے۔

مزید پڑھیں

شہرِ قائد میں آج بھی گرج چمک کے ساتھ بارش کا امکان

کراچی میں آج بھی گرج چمک کے ساتھ معتدل بارش کا امکان...

واضح رہے اس سے قبل محکمہ موسمیات نے مون سون کے ساتویں اسپیل میں شہر قائد سمیت سندھ بھرمیں گرج چمک کے ساتھ بارش کا امکان ہے ۔

محکمہ موسمیات کا یہ بھی کہنا تھا کہ بارشوں کے دوران گرج چمک اور تیز ہوائیں چلنے کا بھی امکان ہے جبکہ بلوچستان میں لسبیلہ،خضدار، آواران سمیت دیگرعلاقوں میں موسلادھار بارش کا امکان ہے۔