وفاقی وزیراطلاعات ونشریات سینیٹر شبلی فراز نے کہا ہے کہ جب بھی کوئی قومی مسئلہ کھڑا ہوتا ہے تو پیپلز پارٹی کی قیادت منظر سے غائب ہوجاتی ہے۔

تفصیلات کے مطابق اسلام آباد میں وفاقی وزیر اطلاعات شبلی فراز کی جانب سے پریس کانفرنس کی گئی جس میں انہوں نے بتایا ہے کہ دس سال میں پیپلزپارٹی نے فنڈلئے لیکن صحت، تعلیم جیسے کوئی سہولت نہیں دی۔

وفاقی وزیر نے کہا ہے کہ پی پی پی کے وزیر کہہ رہے ہیں کراچی کو دس ارب ڈالر مل جائیں تو کراچی کے مسائل حل ہوسکتے ہیں لیکن پیسے تو ہیں ہی نہیں اگر ہوتے بھی تو ہم انہیں نہ دیتے کیونکہ ان کو پیسے دیتے تو انہوں نے سیدھا اومنی جانا تھا۔

شبلی فراز نے کہا ہے کہ اپوزیشن چاہتی ہے کسی نہ کسی طرح حکومت ناکام ہوجائے ان کو پاکستان سے کوئی تعلق نہیں ہے۔

ان کا کہنا تھا کہ ہمارا مقصد سندھ کی عوام کیلئے سہولت پیدا کرنا ہے اور اسی لئے کراچی کے عوام کے مسائل کے حل کیلئے جو پلان دیا جارہا ہے وزیراعظم اس پر عملدرآمد کرائیں گے۔

وفاقی وزیر نے بتایا ہے کہ حکومت کی جانب سے نیت کا اظہار کردیا گیا ہے تاہم اس پر عمل کرنا صوبائی حکومت نے ہے کیونکہ وہی ذمہ دار ہیں لیکن حکومت چاہتی ہے کہ یہ پلان کرپشن کی نظر نہ ہوجائے۔

انہوں نے بتایا ہے کہ سندھ حکومت نے جس سیرئس مسئلے کو حل کرنے کیلئے کبھی بھی کوشش نہیں کی اس پر عمران خان پوری سنجیدگی کے ساتھ انہیں یہ پراجیکٹس دینا چاہ رہے ہیں۔

ان کا مزید کہنا تھا کہ اپوزیشن چاہتی ہے کہ کسی طرح سے انہیں کوئی راستہ مل جائے جس کو این آر او کہتے ہیں کیونکہ اپوزیشن ایف اےٹی ایف کی آڑمیں این آراولینا چاہتی ہے۔