پاکستان کی نامور اداکارہ ارمینہ خان نے اپنے شوہر کیلئے محبت بھرا پیغام جاری کر دیا۔

اداکارہ ارمینہ خان نے شوہر فیصل خان کی سالگرہ کے موقع پر محبت بھرا پیغام شیئر کیا ہے۔

ارمینہ خان نے سوشل میڈیا سائٹ انسٹاگرام پر اپنے شوہر کے ہمراہ ماضی میں ترکی میں لی گئی تصویر شیئر کرتے ہوئے فیصل خان کو سالگرہ کی مبارکباد دی۔

https://www.instagram.com/p/CExGhKpDw0q/

اداکارہ نے پوسٹ کے کیپشن میں لکھا کہ میں نے آپ کو بہترین اور بدترین، شکست و ناکامی کے لمحات میں ثابت قدم پایا ہے۔

ارمینہ نے لکھا کہ میں نے آپ کے ساتھ  شکست کے لمحات دیکھے ہیں اور ساتھ ہی ناکامیوں سمیت کامیابیوں کو انجوائے بھی کیا ہے کیونکہ ناکامی کے بغیر کامیابی کیا ہے؟

اداکارہ نے کہا کہ مجھے فخر ہے کہ میں نے یہ تمام لمحات آپ کے ساتھ دیکھے ہیں۔ ‘

اداکارہ ارمینہ نے مزید کہا کہ وہ امید کرتی ہیں کہ یہ سفر ایسے ہی جاری رہے گا، خدا آپ کو خوشیوں بھری لمبی زندگی دے۔

ساتھ ہی اداکارہ نے اس خصوصی دن فیصل سے دور ہونے کا شکوہ بھی کیا اور امید ظاہر کی کہ اگلی سالگرہ میں وہ ضرور فیصل کے ساتھ ہوں گی۔

دوسری جا نب اہلیہ کے اس پیغام کے جواب میں فیصل خان نے ارمینہ کا شکریہ ادا کرتے ہوئے لکھا کہ اگر آپ میرے اس یادگار دن آپ میرے ساتھ ہوتیں تو بہتر ہوتا۔

https://www.instagram.com/p/CEzxFL-jZil/?utm

انہوں نے کہا کہ  اگر کشمیر آزاد ہوجاتا تو یہ سالگرہ بہترین سالگرہ ہوجاتی۔

یاد رہے کہ ارمینہ خان نے اپنے انسٹاگرام اکاؤنٹ پر رواں سال ویلنٹائینز ڈے کے موقع پر اپنے قریبی دوست کو ’شوہر‘ کہا تھا اور ساتھ ہی شادی کی تصدیق بھی کی تھی۔

منگنی کے بعد سے ہی ارمینہ نے متعدد تقاریب پر منگیتر کے ساتھ سوشل میڈیا پر تصاویر شیئر کیں اور اپنی محبت کا اظہار کرتی دکھائی دی ہیں۔

واضح رہے کہ ارمینہ خان اور فیصل خان دونوں ایک دوسرے کو بچپن سے جانتے ہیں اور دونوں کے درمیان انتہائی خوشگوار اور اچھے تعلقات ہیں۔