پی ڈی ایم اے سندھ نے بڑے سیلاب کی وارننگ جاری کردی
پی ڈی ایم اے سندھ کی جانب سے بڑے سیلاب کی وارننگ...
پی ڈی ایم اے سندھ کی جانب سے سندھ میں سیلابی صورتحال سے متعلق ایک اور الرٹ جاری کردیا گیا ہے۔
پی ڈی ایم اے کی جانب سے الرٹ جاری کرتے ہوئے بتایا گیا ہے کہ دریائے سندھ میں گڈو بیراج پر اونچے درجے کا سیلاب ہے جبکہ سکھر بیراج پر درمیانے درجے کا سیلاب ہے اور کوٹری بیراج پر نچلے درجے کا سیلاب ہے۔
اس ضمن میں پی ڈی ایم اے کی جانب سے متعلقہ اضلاع کی انتظامیہ کو انتظامات کی ہدایت کردی گئی ہے کہ انتظامیہ کچے میں رہنے والے افراد کو محفوظ مقامات پر منتقل کرے۔
پی ڈی ایم اے کا کہنا ہے کہ ان تینوں بیراجز کے درمیان آنے والے کچے کے مقامات زیر آب آئینگے۔
Advertisement
یاد رہے کہ اس سے قبل بھی پی ڈی ایم اے سندھ نے بتایا تھا کہ سپر مون سون کی بارشوں کی تباہی کے بعد بڑا سیلابی پانی سندھ کی جانب بڑھ رہا ہے جس سے سکھر اور دیگر کچے کے علاقے سیلابی پانی میں ڈوبنے کا اندیشہ ہے جبکہ 8 اور 9 ستمبر کو گڈو بیراج اور سکھر بیراج پر بڑا سیلابی ریلا گزرے گا اور اس سے کچے کے علاقے زیرآب آئینگے۔
اس ضمن میں انتظامیہ کو ہدایت جاری کردی گئی کہ کچے کے علاقوں میں رہائشی افراد کو منتقل کرنے کے انتظامات فوری طور پر کئے جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
