ڈونلڈ ٹرمپ نوبل امن انعام کیلئے نامزد

سید قاسم رضا

09th Sep, 2020. 03:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ نوبل امن انعام کیلئے نامزد

امریکی صدر ڈونلڈ ٹرمپ نوبل امن انعام 2021 کے لیے نامزدہوگئے۔

برطانوی میڈیا کی رپورٹ کے مطابق امریکی صدر ڈونلڈ ٹرمپ کو ناروے کے پارلیمنٹیرین کی جانب سے اسرائیل اور متحدہ عرب امارات کے مابین ’تاریخی امن معاہدہ ‘کرانے پر ’ نوبل امن انعام ‘کے لیے نامزد کیا گیا ہے۔

نارویجیئن پارلیمنٹرین کا کہنا ہے کہ میرے خیال میں ڈونلڈ ٹرمپ نے ’نوبل امن انعام ‘کے لیے دیگر نامزد کردہ افراد کی نسبت اقوام عالم کے مابین امن پیدا کرنے کی زیادہ کوشش کی ہے۔

انہوں نے اپنے نامزدگی خط میں کہاکہ ’توقع کی جارہی ہے کہ مشرق وسطیٰ کے دیگر ممالک متحدہ عرب امارات کے نقش قدم پر چلیں گے ، یہ امن معاہدہ ایک گیم چینجر ثابت ہوسکتا ہے جو مشرق وسطیٰ کو خوشحالی کے خطے میں بدل دے گا‘۔

واضح رہے کہ رواں برس نوبل امن انعام کے لیے 300 سے زائد نامزدگیا ہوئی ہیں جو اب تک کی چوتھی سب سے بڑی تعداد ہے۔

2020 کے ’نوبل امن انعام‘ جیتنے والے کا اعلان اکتوبر میں کیا جائے گا۔

یاد رہے کہ گذشتہ سال ’نوبل امن انعام ‘ایتھوپیا کے وزیرِاعظم ابی احمد کو اپنے بدترین دشمن ملک ایریٹیریا کے ساتھ امن قائم کرنے کی وجہ سے دیا گیا تھا۔