آرمی چیف جنرل قمر جاوید باجوہ نے کہا ہے کہ پاکستان کے خلاف چند عناصر کی ففتھ جنریشن وار کا مقابلہ کریں گے۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخارکے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس جنرل ہیڈ کوارٹر (جی ایچ کیو) میں منعقد کی گئی، جس میں کورونا، ٹڈی دل اور پولیو مہم سے متعلق معاملات بھی زیر غورآئے۔

CCC presided by #COAS held at GHQ. Forum was briefed on evolving regional environment & operational developments especially situation along LOC, Pakistan’s positive role & contributions in Afghanistan Peace Process, situation along Western Border including fencing progress (1/6) pic.twitter.com/cSQfOQkYuG

— DG ISPR (@OfficialDGISPR) September 9, 2020

ڈی جی آئی ایس پی آر نے کہا کہ کور کمانڈرز کانفرنس میں بدلتی ہوئی علاقائی صورتحال،لائن آف کنٹرول کی صورتحال جبکہ افغان امن عمل میں پاکستان کے مثبت کردار اور کوششوں کا بھی جائزہ لیا گیا۔

میجرجنرل بابر افتخار نے یہ بھی کہا کہ کانفرنس میں مقبوضہ کشمیرمیں انسانی حقوق کی خلاف وزریوں پرتفصیلی تبادلہ خیال کیا گیا جبکہ فورم نےایل اوسی پربھارت کی جانب سےامن معاہدےکی مسلسل خلاف ورزیوں کا جائزہ لیا گیا۔

ڈی جی آئی ایس پی آر میجرجنرل بابر افتخار نے مزید کہا کہ کانفرنس میں فورم کوخطےکی بدلتی صورتحال اورآپریشنل تیاریوں پر بریفنگ دی گئی جبکہ شرکا کو ٹڈی دل، کورونا، پولیواورسیلاب کی صورتحال پر بھی بریفنگ دی گئی جس پر شرکا نے تمام معاملات میں مثبت پیشرفت پر اظہار اطمینان کیا۔

آرمی چیف جنرل قمر جاوید باجوہ نے کہا کہ پاکستان مخالف عناصرکی طرف سےہائیبرڈ جنگ جاری ہےجبکہ پاکستان کے خلاف ہائبریڈ وار فیئر کے حوالے سے حکومتی پالیسی کے مطابق اقدامات کیے۔

مزید پڑھیں

آرمی چیف کا ہاکی فیڈریشن کیلئے 5 کروڑروپے امداد کا اعلان

آرمی چیف جنرل قمرجاویدباجوہ کا ہاکی فیڈریشن کیلئے 5 کروڑروپے امداد کا...

جنرل قمر جاوید باجوہ نے یہ بھی کہا کہ حکومتی پالیسیوں کی روشنی میں ہائبرڈ وار کا مقابلہ کریں گے۔

آرمی چیف جنرل قمر جاوید باجوہ نے خطے کی صورتحال کےپیش نظرجنگی تیاریوں کوبڑھانے کی ہدایت کرتے ہوئے کہا کہ خطے کی موجودہ صورتحال کے تناظر میں جنگی تیاریوں کو بڑھانا ہوگا۔