امریکی صدر نے پاکستان اور بھارت کے درمیان ثالث کا کردار شروع کردیا۔

تفصیلات کے مطا بق ٹرمپ نے کشمیر کے مسئلے پر بھارتی وزیر اعظم کو ٹیلی فون کر دیا۔

وائٹ ہاؤس نے صدر ٹرمپ اور نریندرمودی کے درمیان ٹیلی فونک گفتگو  کی تصدیق کردی۔

وائٹ ہاؤس کا کہنا ہے کہ دونوں رہنماؤں نے کشمیر سمیت دو طرفہ علاقائی معاملات پرتبادلہ خیال کیا۔

ترجمان وائٹ ہاؤس  نے اپنے بیان میں کہا ہے کہ امریکی صدر نے بھارتی وزیراعظم پر زور دیا ہے کہ وہ مسئلہ کشمیر پر پاکستان کے ساتھ تناؤ کو کم کریں۔

امریکی صدرکے جواب میں نریندر مودی نے پاکستان کا نام لیے بغیر کہا کہ وہ کسی بھی ملک سے بات چیت کیلئے تیارہیں۔

واضح رہے کہ چند روز قبل وزیراعظم عمران خان نے سلامتی کونسل اجلاس سے قبل امریکی صدر ڈونلڈ ٹرمپ سے ٹیلیفونک رابطہ کیا تھا، دونوں رہنماؤں کے درمیان مقبوضہ کشمیر کی صورت حال پر تبادلہ خیال ہوا تھا۔

وزیراعظم عمران خان نے امریکی صدر کو پاکستان کے دو ٹوک موقف اور بھارت کے یک طرفہ اقدامات سے بھی آگاہ کیا،اسی حوالہ سے وزیرخارجہ شاہ محمودقریشی نے بتایا کہ وزیراعظم عمران خان اور امریکی صدر مقبوضہ کشمیر کے حولے سے رابطے میں رہیں گے۔

شاہ محمود قریشی نےمزید کہا تھا کہ عمران خان اور ٹرمپ کے درمیان افغان امن عمل پر بھی بات ہوئی تھی، جس میں عمران خان نے پاکستان کا موقف سامنے رکھا اور ڈونلڈ ٹرمپ کو اعتماد میں لیا۔ پاکستان سلامتی کونسل کے 5 میں سے چار ارکان سے رابطے کرچکا ہے، ہم نے خطے کی بہتری، پاکستان اور افغانستان کے امن و استحکام کےلیے قدم اٹھائے ہیں۔