پاک بحریہ کے افسروں اور جوانوں کو عسکری ایوارڈز تفویض

احمد منصور

10th Sep, 2020. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کے افسروں اور جوانوں کو عسکری ایوارڈز تفویض

پاک بحریہ کےافسروں اور جوانوں کو عسکری ایوارڈز تفویض کردیے گئے۔

ترجمان پاک بحریہ کے مطابق کراچی میں پاک بحریہ کے آفیسرز اور سی پی اوز/سیلرز کو عسکری ایوارڈز تفویض کرنے کی تقریب منعقد ہوئی۔

تقریب کے مہمان خصوصی چیف آف دی نیول اسٹاف ایڈمرل ظفر محمود عباسی تھے۔

تقریب میں 14 افسران کو ستارہ امتیاز (ملٹری ) تفویض کیا گیا جبکہ 20 افسران نےتمغہ امتیاز (ملٹری) حاصل کیا۔

7 افسران اور سیلرز کو ان کی جرات و بہادری کے اعتراف میں تمغہ بسالت سے نوازا گیا۔

147 ماسٹر چیف پیٹی آفیسرز، چیف پیٹی آفیسرز اور سیلرز کو تمغہ خدمت(ملٹری) کلاس ون ، ٹو اور تھری تفویض کیے گئے۔

63 افسروں، چیف پیٹی آفیسرز/سیلرز اور نیو ی سویلین کو چیف آف دی نیول اسٹاف کی جانب سے مراسلہ تحسین سے نوازا گیا۔

تقریب میں پاک بحریہ کے بہترین سیلر اور بہترین سویلین کے ایوارڈ بھی دیے گئے۔

یوم دفاع کے موقع پر صدر پاکستان کی جانب سے 6 افسران کو ہلال امتیاز (ملٹری) اور 2 افسران کو تمغہ بسالت تفویض کیا گیا تھا۔