گذشتہ روز لاہور موٹر وے پر خاتون سے مبینہ زیادتی کے واقعے کے بعد شہر اقتدار میں بھی اسی نوعیت کا واقعہ  پیش آیا ہے۔

تفصیلات کے مطابق اسلام آباد سے تعلق رکھنے والی خاتون سائیکلسٹ کے ساتھ سڑک پر مبینہ طور پر جنسی ہراسانی کا واقعہ پیش آیا ہے۔

پاکستانی خاتون سائیکلسٹ ’ثمر خان‘ کی جانب سے سماجی رابطے کی ویب سائٹ پر اپنے پیغام میں اپنے ساتھ ہوئی زیادتی کا انکشاف کرتے ہوئے کہا ہے کہ سائیکلنگ کے دوران ایک شخص نے مجھ سے بدتمیزی کی ہے۔

سائیکلسٹ ثمر خان نے سوشل میڈیا پر اپنے ساتھ ہونے والا واقعہ بیان کردیا اور بتایا کہ میں اسلام آباد کی سڑکوں پر سائیکلنگ کررہی تھی کہ ایک شخص نے بدتمیزی کی۔

Advertisement

Sharing it right now after chasing another desperate animal, another day as we #women need attention, what else would we do to make our lives exciting ??
Right?#MeToo?? Wo to bs Islam se doori ka nateeja hai!!

Atleast have sm balls to face that woman you harass!!
Jaanwar!! pic.twitter.com/vE2LztyXqx

— Samar Khan (@SKhanAthlete) September 9, 2020

ثمر خان نے بدتمیزی کرنے والے شخص کا حلیہ بتاتے ہوئے کہا ہے کہ مرون شرٹ پہنے ایک شخص نے مجھے غیر مناسب انداز میں چھوا تھا۔

انہوں نے کہا ہے کہ میں نے سائیکل پر اس شخص کا پیچھا کرنے کی کوشش کی مگر وہ فرار ہوگیا۔

ثمر خان نے بتایا ہے کہ تین چار لوگوں نے واقعہ دیکھا مگر کسی نے مزاحمت کی کوشش نہیں کی۔

سائکلسٹ ثمر خان نے سوال کیا کہ سڑک پر چلتی لڑکی کو چھو کر کیا ملتا ہے آپ کو؟ ۔

سائیکلسٹ ثمر خان نے سوال کیا کہ ’کیا لوگوں کو یہ حرکت گھٹیا نہیں لگتی؟‘۔

خیال رہے کہ گزشتہ روز لاہور سے گجرانوالہ جاتے ہوئے موٹر وے پر بھی ایک خاتون کو اس کے بچوں کے سامنے اجتماعی زیادتی کا نشانہ بنانے کا واقعہ پیش آیا ہے جبکہ گزشتہ دنوں کراچی کے علاقے عیسیٰ نگری میں بھی پڑوسی نے 5 سالہ بچی کو زیادتی کا نشانہ بنانے کے بعد قتل کردیا تھا۔