وفاقی وزیر ہوبازی غلام سرور خان نے کہا ہے کہ گزشتہ 72 سالوں میں کسی حکومت نے کبھی ایجوکشن کو ترجیح نہیں دی۔

تفصیلات کے مطابق وفاقی وزیر ہوبازی غلام سرور خان نے اپنے ایک بیان میں کہا کہ آج 11 ستمبر یوم وفات  قائد اعظم ہے انکو خراج تحسین پیش کرتے ہوں جن کی قیادت میں پاکستان خود مختار ریاست بن کر ابھرا۔

وفاقی وزیر ہوبازی نے کہا کہ شعور حاصل کرنے کے لئے تعلیم حاصل کرنا ہر بچے کے لئے ضروری ہے۔

غلام سرور خان نے یہ بھی کہا کہ دوسرے ممالک سے تقابلی جائزہ لیں تو پاکستان تعلیم کے میدان میں بہت پیچھے ہے۔

وفاقی وزیر ہوبازی کا کہنا تھا کہ سرکاری ادارے سیاست کی نذر ہوگئے، واہ کینٹ اس ملک کا نہیں بلکہ برصغیر میں لٹریسی ریٹ میں سب سے آگے ہے۔

 غلام سرور خان کا یہ بھی کہنا تھا کہ ہمیں چاہئے کہ ہم قائد اعظم کے رہنما اصول ایمان ، اتحاد اور تنظیم پران بچوں کی رہنمائی کریں۔

وفاقی وزیر ہوبازی نے اپنے بیان میں کہا کہ کورونا وائرس کی وبا سے بھی بچنا ہے اور اپنے بچوں کو بھی بچانا ہے۔

 غلام سرور خان نے یہ بھی کہا کہ ستمبر 15 سے تعلیمی ادارے دوبارہ کھل رہے ہیں، گورنمنٹ کی طرف سے جاری کردہ ایس او پیز پر عمل کرنا بھی ضروری ہے۔

وفاقی وزیر ہوبازی غلام سرور خان نے مزید کہا کہ اللہ کے فضل وکرم سے اس وبا کو پہلے بھی شکست دی ہے اب بھی کوشش کریں اور احتیاط کریں۔