پاکستان ریلویز کے نئے سی ای وی نثار میمن نے کہا ہے کہ ملک کی ترقی میں ریلوے کا اہم کردار ہے۔

تفصیلات کے مطابق پاکستان ریلویز کے نئے سی ای وی نثارمیمن نے بول نیوز سے گفتگو کرتے ہوئے کہا کہ پاکستان ریلویز کو ترقی دلانا میرا ہدف ہے۔

پاکستان ریلویز کے نئے سی ای وی نثارمیمن نے مزید کہا کہ حکومت کا سی ای او ریلوے تعینات کرنا مجھ پر اعتماد ہے،  حکومت کے اعتماد کے تحت ریلوے کو جدید تقاضوں پر ترقی دلانا ہدف میں شامل ہے۔

یاد رہے اس سے قبل پاکستان ریلوے نے دوست لغاری کی جگہ نیا چیف ایگزیکٹو تعینات کردیا جبکہ وزیراعظم عمران خان کو چیف ایگزیکٹو کے لئے چھ نام بھجوائے گئے۔

اس موقع پر نثار احمد میمن نے اپنے بیان میں کہا تھا کہ ٹرینوں کے کرایوں میں اضافہ نہیں کیا جائے گا جبکہ کرپشن پر زیرو ٹالرنس ہو گی اور ریلوے کو منافع بخش بنانے کے لئے ری سٹرکچرنگ کی جائے گی۔

نثار احمد میمن کا کہنا تھا کہ ٹرینوں کی حفاظت، آمدن میں اضافہ، اور اخراجات میں کمی ہدف ہوگا جبکہ محکمے میں میرٹ کو یقینی بنایا جائے گا۔

نثار احمد میمن کا یہ بھی کہنا تھا کہ پاکستان ریلوے سے کسی ملازم کو نہیں نکالا جائے گا جبکہ فارغ ملازمین کو کام والی جگہوں پر لگایا جائے گا۔

نثار احمد میمن کا  مزید کہنا تھا کہ ریلوے کی جگہ پر قبضہ کرنے والوں سے کوئی رعایت نہیں برتی جائے گی جبکہ ریلوے کا مسافروں کا اعتماد بحال کرنا ہوگا۔