اسپیکر پنجاب اسمبلی و صدر پاکستان مسلم لیگ پنجاب چودھری پرویزالٰہی نے کہا ہے کہ ہماری جماعت بلدیاتی انتخابات میں بھرپور حصہ لے گی۔

تفصیلات کے مطابق اسپیکر پنجاب اسمبلی و صدر پاکستان مسلم لیگ پنجاب چودھری پرویزالٰہی سے جنرل سیکرٹری سینیٹر کامل علی آغا اور سینئر نائب صدر پنجاب چودھری سلیم بریار کی ملاقات ہوئی ہے۔

ملاقات میں بلدیاتی انتخابات، پارٹی الیکشن، تنظیم سازی اور ملکی سیاسی صورتحال پر تبادلہ خیال کیا گیا جبکہ سینیٹر کامل علی آغا اور چودھری سلیم بریار نے انٹراپارٹی الیکشن اور تنظیم سازی کے حوالے سے بریفنگ دی۔

جنرل سیکرٹری سینیٹر کامل علی آغا اور سینئر نائب صدر پنجاب چودھری سلیم بریار سے  ملاقات میں چودھری پرویزالٰہی نے کہا کہ تمام اضلاع میں نچلی سطح پر پارٹی کارکنوں کو متحرک کیا جائے۔

اسپیکر پنجاب اسمبلی و صدر پاکستان مسلم لیگ پنجاب چودھری پرویزالٰہی نے مزید کہا کہ مسلم لیگی رہنما و کارکن گھر گھر جا کر ہمارے دور میں کی گئی عوامی خدمات کو اجاگر کریں، ہماری جماعت بلدیاتی انتخابات میں بھرپور حصہ لے گی۔

مزید پڑھیں

تعلیمی اداروں میں ایس او پیز پر سختی سے عمل کروایا جائے، پرویزالٰہی

گورنر پنجاب چودھری پرویزالٰہی نے کہا ہے کہ تعلیمی اداروں میں بھی...

واضح رہے اس سے قبل قائم مقام گورنر پنجاب چودھری پرویزالٰہی سے وائس چانسلر جی سی یونیورسٹی اصغر زیدی کی ملاقات ہوئی تھی۔

چودھری پرویزالٰہی نے کہا تھا کہ تعلیمی سرگرمیاں کورونا کی وجہ سے کافی عرصہ سے بند ہیں، اب حکومت 15 ستمبر کو تعلیمی سرگرمیاں بحال کرنے کے بارے میں لائحہ عمل مرتب کر رہی ہے۔

قائم مقام گورنر پنجاب چودھری پرویزالٰہی نے مزید کہا تھا کہ طلبہ و طالبات ملک کا مستقبل ہیں لہٰذا کسی قسم کا کوئی رسک نہ لیا جائے جبکہ تعلیمی اداروں میں ایس او پیز پر سختی سے عمل کروایا جائے۔