پاکستان پیپلز پارٹی کے چیئرمین بلاول بھٹو زرداری نے علامہ ضمیر اختر نقوی کے انتقال پر دکھ و افسوس کا اظہار کیا ہے ۔

تفصیلات کے مطابق پی پی پی چیئرمین بلاول بھٹو زرداری نے علامہ ضمیر اختر نقوی کے انتقال پر دکھ و افسوس کا اظہار کرتے ہوئے کہا کہ علامہ ضمیر نقوی کے انتقال کی خبر سن کر صدمہ ہوا، ملک ایک ممتاز عالمِ دین سے محروم ہوگیا۔

اپنے بیان میں چیئرمین بلاول بھٹو زرداری نے یہ بھی کہا کہ علامہ ضمیر اختر نقوی اتحادِ بین المسالک و مذاہب کے وکیل تھے، دینی علوم کے فروغ کے لیے اُن کی خدمات طویل عرصے تک یاد رہیں گی۔

پاکستان پیپلز پارٹی کے چیئرمین بلاول بھٹو زرداری نے مرحرم کے درجات کی بلندی اور غمزدہ خاندان کے لئے صبر جمیل کی دعا کی ہے۔

مزید پڑھیں

علامہ سید ضمیر اختر نقوی دل کا دورہ پڑنے سے انتقال کر گئے

معروف اسکالر علامہ ضمیر اختر نقوی دل کا دورہ پڑنے سے کراچی...

یاد رہےمعروف اسکالر علامہ ضمیر اختر نقوی دل کا دورہ پڑنے سے کراچی میں انتقال کرگئے۔

علامہ ضمیر اختر نقوی 40 سے زائد تصانیف کے مالک تھے، جبکہ مرثیہ نگاری ، شاعری ، اردو ادب سمیت مختلف موضوعات ان کا خاصہ رہے۔

واضح رہےکہ علامہ ضمیر اختر نقوی 1944 میں بھارت کے شہر لکھنو میں پیدا ہوئے اور 1967ء میں نقل مقام کر کے پاکستان کے شہر کراچی شہر میں سکونت اختیار کی۔