وزیر اعظم کے افغانستان کیلئے خصوصی نمائندے محمد صادق خان نے دوحہ میں  افغانستان کے چیف ایگزیکٹو عبداللہ عبداللہ سے ملاقات کی ہے۔

ملاقات میں  افغانستان میں قیام امن اور حالیہ بین الافغان مزاکرات کے حوالے سے بھی متعدد امور پر تبادلہ خیال کیا گیا جبکہ عبداللہ عبد اللہ  کے پاکستان کے آئندہ دورے  پر بھی بات چیت کی گئی۔

ذرائع کے مطابق ملاقات میں دونوں رہنماوں کا افغان مزاکراتی عمل پر اظہار اطمینان کیا ہے۔

یاد رہے قطر میں بین الافغان مذاکرات جاری ہیں جس میں دونوں راہنما شرکت کر رہے ہیں امریکہ کے نمائندہ خصوصی افغانستان میں قیام امن و بین الافغان مذاکرات کے حوالے سے پاکستان میں اہم ملاقاتوں کے بعد قطر واپس لوٹے ہیں جہاں وہ بین الافغان مذاکرات کے حوالے سے بقیہ ملاقاتوں میں شرکت کریں گے۔

مزید پڑھیں

جنگ کے ذریعے فتح کا حصول ممکن نہیں،عبداللہ عبداللہ

دوحہ افغانستان کی کونسل برائے قومی مفاہمت کے چیئرمین ڈاکٹر عبداللہ عبداللہ...

واضح رہے گزشتہ روز دوحہ افغانستان کی کونسل برائے قومی مفاہمت کے چیئرمین ڈاکٹر عبداللہ عبداللہ نے پریس کانفرنس کرتے ہوئے کہا تھا کہ سیز فائر تمام افغانوں کا مطالبہ ہے، مجھے یقین ہے کہ دونوں وفود دیگر امور کے ساتھ اس بارے میں بھی بات چیت کریں گے۔

دوحہ افغانستان کی کونسل برائے قومی مفاہمت کے چیئرمین نے کہا تھا کہ جنگ کے ذریعے فتح کا حصول ممکن نہیں ہے تاہم مذاکرات سے دونوں فریق فاتح ہو سکتے ہیں اور امن مذاکرات کا آغاز ایک بہت ہی تاریخی اقدام ہے۔

عبداللہ عبداللہ نے یہ بھی کہا تھا کہ مذاکرات سے تمام مسائل کو فوری حل نہیں کیا جاسکتا تاہم مذاکرات سے لوگ تشدد میں کمی کی توقع کر رہے ہیں۔