پاکستان پیپلز پارٹی کے رہنما قمر زمان کائرہ کا کہنا ہے کہ کل زرداری ہاؤس اسلام آباد میں ایک تاریخی مگر نتیجہ خیز سیاسی اجتماع ہوگا ۔
تفصیلات کے مطابق کل اسلام آباد میں ہونے والی اپوزیشن کی اے پی سی سے متعلق رہنما پیپلز پارٹی قمرزمان کائرہ کا کہنا ہے کہ چیئرمین بلاول بھٹو کی میزبانی میں اے پی سی قومی سیاست میں اہم سنگ میل ثابت ہوگی۔
قمر زمان کائرہ نے کہا کہ اے پی سی کے خلاف وزراء کے بیانات ان کی قبل ازوقت بوکھلاہٹ کو ظاہر کرتے ہیں۔
انہوں نے کہا کہ حکومت کے غیر جمہوری اور فاشسٹ طرز عمل نے اپوزیشن جماعتوں کو متحد ہونے پر اکسایا۔ وکلاء ،سول سوسائٹی مزدور ، کسان،طلباء ،صحافی اور تاجر سب اس حکومت سے تنگ آ چکے ہیں۔
قمر زمان کائرہ نے کہا کہ سیاسی جماعتوں نے عوامی بےزاری کی اس لہرکی قیادت نہ کی تو یہ لاوا کسی اور طرح بھی پھٹ سکتا ہے ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
