اسلام آباد میں نامعلوم افراد کی فائرنگ سے ایک پولیس اہلکار شہید اور دو زخمی ہوگئے۔
تفصیلات کے مطابق وفاقی دارالحکومت اسلام آباد کے علاقے منڈی موڑ میں نامعلوم افراد نے پولیس ناکے پرتعینات اہلکاروں پرفائرنگ کردی۔
پولیس حکام کے مطابق موٹرسائیکل پر سوارافراد نے ناکے پر تعینات اہلکاروں پراندھا دھند فائرنگ کردی، جس کے نتیجے میں 2 اہلکارموقع پر ہی دم توڑ گئے جبکہ ایک اہلکار کو شدید زخمی حالت میں اسپتال منتقل کردیا گیا ہے۔
شہید ہونے والے پولیس اہلکاروں میں خرم اور ثقلین شامل ہیں جبکہ زخمی اہلکار کا نام جہانزیب بتایا جا رہا ہے۔
پولیس حکام کا یہ بھی کہنا تھا کہ فائرنگ کرنے والے ملزمان موقع سے فرار ہونے میں کامیاب ہوگئے، جن کی تلاش کے لئے ٹیمیں روانہ کردی گئی ہیں۔
Advertisement
اس سے قبل اسلام آباد کے سیکٹر جی ایٹ ون میں پولیس اہلکاروں نےدو مشکوک افراد کو چیکنگ کے لیے روکا تو انہوں نے فائرنگ شروع کر دی جس سے سب انسپکٹراعجاز احمد اور کانسٹیبل بختیار احمد زخمی ہو گئےتھے۔
پولیس کے جوانوں نے زخمی ہونے کے باوجود ہمت نہ ہاری اورفائرنگ کرنے والے دونوں ملزموں کوگرفتارکرلیا تھا۔ ڈی آئی جی آپریشنزوقارالدین سید نے زخمی جوانوں کی عیادت کی اوران کے لیے نقد انعام کا اعلان کیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
