پاکستان کے نامور اداکاروں نے شادی کی تو  گھر کی سب سے قیمتی چیز لی۔

یاد رہے شادی ایک مقدس فریضہ ہوتا ہے جسے ادا کرنا ہمارے اپنے معاشرے نے بہت مشکل بنا دیا ہے۔

وہ والدین جن کی 3 یا اس سے زائد بیٹیاں ہوں اور ان کی آمدنی زیادہ اچھی بھی نہ ہو، تو ان کو یہ ہی پریشانی کھا جاتی ہے کہ بیٹی کے فرض سے کس طرح آزاد ہوں گے؟

تاہم ہمارے معاشرے میں آج بھی کچھ ایسے لوگ ہیں جو جہیز جیسی چیز کو نہیں مانتے۔

حال ہی میں کئی شوبز ستاروں کی شادیاں ہوئی ہیں جبکہ انہوں نے جہیز نہ لے کر عام لوگوں کے لیے مثال قائم کردی۔

آج ہم آپ کو بتائیں گے کہ شوبز ستاروں نے جہیز کے طور پر کیا لیا تھا؟

احد رضا میر

پاکستان کے نامور اداکار احد رضا میر اور اداکارہ سجل علی پاکستانی شوبز انڈسٹری کا نامور جوڑی ہے۔

تاہم ان کی شادی لاک ڈاؤن کے دوران دبئی میں ہوئی۔

احد نے بھی سجل سے کوئی جہیز نہ لیا، بلکہ سجل جس طرح چاہتی تھیں بالکل اسی طرح شادی ارینج کروائی۔

فلک شبیر

پاکستان کے گلوکار فلک شبیر کی شادی کچھ ماہ قبل معروف اداکارہ سارہ خان سے ہوئی۔

تاہم اپنے ایک انٹرویو میں فلک نے یہ انکشاف کیا کہ انہوں نے سارہ خان سے جہیز کے طور پر ایک چیز بھی نہیں لی۔ فلک نے سارہ کے والد کو یہ کہہ کر جہیز کا منع کیا تھا کے آپ کے گھر کی جو سب سے قیمتی چیز تھی، وہ میں پہلے ہی لے چکا ہوں یعنی سارہ۔

واضح رہے فلک اور سارہ نے اپنی شادی کے ذریعے بہت سے لوگوں کے لیے مثال قائم کردی۔

منیب بٹ

پاکستان کے نامور اداکار منیب بٹ نے اداکارہ ایمن خان سے شادی کی اور ایمن سے جہیز میں کچھ بھی نہیں لیا۔

 منیب بٹ جہیز کے سخت خلاف ہیں جس کا ذکر اداکار متعدد مرتبہ اپنے انٹرویوز میں کر چکے ہیں۔

لیکن یاد رہے کہ لوگوں نے انہیں ان کی شادی کے شاہانہ ایونٹس کی وجہ سے کافی تنقید کا نشانہ بنایا تھا۔