پاکستان شوبز  انڈسٹری کے ابھرتے ہوئے اداکار اسامہ طاہر نے کہا کہ شوبز انڈسٹری میں مرد اداکاروں کو بھی کئی طرح کی مشکلات کا سامنا ہوتا ہے۔

اداکار اسامہ طاہر نے کہا کہ صرف خواتین ہی نہیں بلکہ مرد اداکاروں کو بھی کئی طرح کی مشکلات کا سامنا ہوتا ہے جن میں خوبصورت نظر آنا بھی شامل ہے۔

اداکار اسامہ طاہر نے ڈرامہ انڈسٹری میں محض تین سال میں اپنی ایک الگ پہچان بنائی  اور ’ایمرجنگ ایکٹر ایوارڈحاصل کیا۔

یاد رہے اسامہ طاہر نے ایک انٹریو میں انکشاف کیا کہ انڈسٹری میں اب مرد اداکاروں کے لیے بھی ’’خوبصورت‘‘ ہونا ضروری ہوگیا ہے اور صلاحیت ثانوی چیز ہوگئی ہے۔

اداکار  کا مزید کہنا تھا کہ ان سب کی وجہ سے اداکاری کا ہنر پیچھے رہ گیا ہے، نوآموز اداکار بھی اپنی وجاہت، ظاہری بود وباش پر توجہ دے رہے ہیں۔

اسامہ طاہر نے مزید کہا کہ اداکار ہونے کے لیے ضروری ہوگیا ہے کہ آپ کی رنگت سفید ہو، بے داغ جلد ہو، داڑھی اور ہیئر اسٹائل اچھا ہو۔ مجھے بھی کئی بار صرف گوری رنگت کی وجہ سے ڈرامے میں کام ملا۔

واضح رہے کہ اداکار اُسامہ طاہر کہا کہ  میں شوبز میں آنے والے لڑکوں کو مشورہ دوں گا کہ ظاہری روپ کے بجائے اپنی صلاحیت پر انحصار کریں۔