وزیر خارجہ مخدوم شاہ محمود قریشی نے سوئٹزر لینڈ کے وزیر خارجہ ایگنازیو کاسیس سے آج  ٹیلیفونک رابطہ کیا۔

تفصیلات کے مطابق شاہ محمود  قریشی نے سوئٹز لینڈ کے وزیر خارجہ ایگنازیو کاسیس سے  مقبوضہ جموں و کشمیر میں جاری انسانی حقوق کی سنگین خلاف ورزیوں سمیت خطے میں امن و امان کی صورتحال پر تبادلہ خیال کیا ۔

شاہ محمود قریشی نے کہا ہے کہ بین الاقوامی میڈیا اور انسانی حقوق کی تنظیموں کی طرف سے آنے والی رپورٹس انتہائی تشویشناک ہیں۔

شاہ محمود کا مزید کہنا تھا کہ سوئس ہم منصب کو بھارت کے مقبوضہ جموں و کشمیر میں یکطرفہ اقدامات اور ان کے مضمرات سے آگاہ کیا ۔ ہندوستان نے 5 اگست سے مقبوضہ جموں و کشمیر میں مکمل لاک ڈاؤن کر رکھا ہے۔

شاہ محمود نے ٹیلیفونک رابطہ میں کہا کہ  بھارت کے مقبوضہ جموں و کشمیر میں یکطرفہ اقدامات بین الاقوامی قوانین اور اقوام متحدہ کی سلامتی کونسل کی قراردادوں کے صریحاً منافی ہیں۔

شاہ محمود قریشی کے سوئٹزر لینڈ کے وزیر خارجہ ایگنازیو کاسیس سے ٹیلیفونک رابطے کا سوئٹزر لینڈ کے وزیر خارجہ کے جانب سے اچھا رد عمل سامنے آیا ہے۔

سویٹزرلینڈ کے وزیر خارجہ نے اس ساری صورتحال پر تشویش کا اظہار کرتے ہوئے کہا کہ ہم اس ساری صورتحال کا جائزہ لے رہے ہیں ۔

سوئٹزر لینڈ کے وزیر خارجہ نے مقبوضہ کشمیر کے معاملات پر پاکستانی مؤقف کی حمایت کرتے ہوئے مذاکرات پر زور دیا ہے ۔

وزیرِ خارجہ کا اس حوالے سے کہنا تھا کہ خطے میں کشیدگی کے خاتمے کے لیے تمام فریقین کو تصفیہ طلب معاملات مذاکرات کے ذریعے حل کرنے چاہئیں۔