صدر مملکت ڈاکٹر عارف علوی نے کینیڈین امریکن میڈیا ادارے وائس نیوز کو خصوصی انٹرویو دیا۔

انٹرویو میں صدر مملکت کا کہنا تھا کہ بھارت مقبوضہ کشمیر میں خطے کی حیثیت تبدیل کر کے اور لوگوں کی خواہش کو دبا کر آگ سے کھیل رہا ہے۔

انٹرویو کے دوران انہوں نے بتایا کہ عالمی برادری کو بھارت کو پورا کشمیر ہضم کرنے کے ارادے سے روکنے کیلئے اس پر دباﺅ برقرار رکھنا چاہئے جبکہ ایک طویل عرصہ بعد کشمیر کے مسئلہ کو عالمی سطح پر اٹھایا ہے اور اس سلسلے کو جاری رکھا جائے گا اور بھارت مقبوضہ کشمیر میں خطے کی حیثیت تبدیل کر کے اور لوگوں کی خواہش کو دبا کر آگ سے کھیل رہا ہے۔

بھارت کو تنقید کا نشانہ بناتے ہوئے کہا کہ یہ آگ خود بھارت کی سلامتی کو جلا کر رکھ دے گی اور اگر بھارت یہ سمجھتا ہے کہ ایسے قوانین سے صورتحال بہترہو گی تووہ احمقوں کی جنت میں رہ رہا ہے جبکہ صدر پاکستان نے کہا کہ عالمی برادری کو بھارت کو پورا کشمیر ہضم کرنے کے ارادے سے روکنے کیلئے اس پر دباﺅ برقرار رکھنا چاہیئے۔

ڈاکٹر عارف علوی نے بتایا کہ بھارت نہ صرف پاکستان کے ساتھ مذاکرات سے انکار کرتا رہا ہے بلکہ وہ کشمیر کو ایک تنازعہ بھی تسلیم نہیں کر رہا تھا لیکن مقبوضہ کشمیر میں موجود اقوام متحدہ کے فوجی مبصر کی موجودگی نے اسے بذات خود ایک بین الاقوامی مسئلہ بنایا ہے۔

ڈاکٹر عارف علوی نے کہا کہ اگر بھارت نے جنگ مسلط کی تو پاکستان بھی اپنے دفاع کے حق کو استعمال کرے گا جبکہ اقوام متحدہ کی قراردادوں نے یہ واضح کر دیا ہے کہ مسئلہ کشمیر بھارت کا اندرونی معاملہ نہیں ہے۔