ارسلان تاج کا سندھ میں ریسکیو سروس متعارف کروانے کا مطالبہ

وریشہ مسعود

06th Oct, 2020. 06:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ارسلان تاج کا سندھ میں ریسکیو سروس متعارف کروانے کا مطالبہ

پاکستان تحریک انصاف کے رکن سندھ اسمبلی ارسلان تاج نے سندھ ایمرجنسی ریسکیو سروس کا بل جمع کروا دیا۔

تفصیلات کے مطابق پاکستان تحریک انصاف کے رکن سندھ اسمبلی ارسلان تاج نے اپنے ایک بیان میں کہا کہ سندھ میں ریسکیو سروس کا کوئی نظام موجود نہیں، کسی بھی حادثے کی صورت میں این جی اوز یا قانون نافذ کرنے والے ادارے نظر آتے ہیں۔

ارسلان تاج نے اپنے بیان میں کہا کہ ریسکیو ایمرجنسی سروس چلانا حکومت کی ذمیداری ہے این جی اوز کی نہیں جبکہ کراچی میں سالانہ ہزاروں حادثات پیش آتے ہیں۔

پاکستان تحریک انصاف کے رکن سندھ اسمبلی نے سندھ میں ریسکیو سروس متعارف کروانے کا مطالبہ کرتے ہوئے کہا کہ سندھ میں پنجاب اور کے پی کے طرز پر ریسکیو 1122 کا قیام کیا جائے۔

ارسلان تاج نے کہا کہ سندھ حکومت کی ترجیحات صرف کرپشن کا بازار گرم کرنا ہے جبکہ بارہ سال سے پیپلز پارٹی حکومت میں ہونے کے باوجود کوئی ادارہ نہ بنا سکی۔

پاکستان تحریک انصاف کے رکن سندھ اسمبلی ارسلان تاج نے مزید کہا کہ پیپلز پارٹی عام عوام کے مسائل حل کرنے کے بجائے کرپشن بجانے میں لگی ہے، اسپیکر اسمبلی سے درخواست ہے انتہائی اہم نوعیت کے پرائویٹ بل منظور کروائیں۔