وفاقی وزیر اطلاعات سینیٹر شبلی فراز نے کہا ہے کہ معاشی سرگرمیوں کا فروغ اور کاروبار دوست ماحول  کی فراہمی ترجیح ہے۔

تفصیلات کے مطابق وفاقی وزیر اطلاعات سینیٹر شبلی فراز نے تقریب سے خطاب کرتے ہوئے کہا کہ اقتصادی  استحکام  ملک کی مضبوطی کیلئے ضروری ہے۔

وفاقی وزیر اطلاعات نے کہا کہ معاشی ترقی کیلئے برآمدات میں اضافے کیلئے اقدامات کیے گئے ہیں جبکہ حکومت نے اخراجات میں کمی کے ساتھ درآمد ات میں بھی کمی کی۔

شبلی فراز نے یہ بھی کہا کہ معاشی کمزوریوں کے خارجہ محاذ  پر اثرات مرتب ہوتے ہیں جبکہ ملک کا مثبت تشخص اجاگر کرنے  میں ادب اور فنون لطیفہ  کا اہم کردار ہے۔

وفاقی وزیر اطلاعات سینیٹر شبلی فراز نے مزید کہا کہ تخلیقی صلاحیتوں کواجاگر کرنے کیلئے مواقع فراہم کررہے ہیں اور عوامی خوشحالی اور مسائل کے حل کیلئے اداروں کا استحکام ضروری ہے۔

واضح رہے گزشتہ روز کراچی میں پریس کانفرنس کرتے ہوئے وفاقی وزیر برائے اطلاعات شبلی فراز کا کہنا تھا کہ اپوزیشن کی تحریک کا مقصد لوٹی ہوئی دولت بچانے کےعلاوہ کچھ نہیں ہے، وہ چاہتے ہیں انکی کرپشن معاف کردی جائے۔

شبلی فراز کا مزید کہنا تھا کہ حکومت کسی کی بلیک میلنگ میں نہیں آئی گی اور نہ ہی کسی صورت اپوزیشن کو این آر او دیا جائے گا اور اگر اپوزیشن نے استعفے دیئے تو ہم نئے انتخابات کروالیں گے۔