پاکستانی یوٹیوبر ڈکی بھائی نے ٹک ٹاک کے حوالے سے بیان جاری کر دیا۔

یوٹیوبر ڈکی بھائی نے سماجی رابطے کی ویب سائٹ ٹوئٹر پر ایک پوسٹ کی جس میں انہوں نے بتایا کہ کہ ٹک ٹاک پر مختلف قسم کی ویڈیوز بنانے میں کافی مزہ آتا تھا۔

Abey yaar itna maza aata tha #TikTok pe roast bana ke.

— Saad Ur Rehman (@duckybhai) October 9, 2020

یاد رہے پاکستان ٹیلی کام اتھارٹی (پی ٹی اے) نے  موبائل ایپلیکیشن ٹک ٹاک  کو پاکستان بھر میں بند کردیا۔

مزید پڑھیں

ٹک ٹاک اسٹار جنت مرزا نے تمام ریکارڈ توڑدیئے

پاکستان کی معروف ٹک ٹاک اسٹار جنت مرزا نے ٹک ٹاک پر...

ذرائع کے مطابق  پاکستان ٹیلی کام اتھارٹی (پی ٹی اے) نے  موبائل ایپلیکیشن ٹک ٹاک کو بند کرنے  کے لیے موبائل فون کمپنیوں کو ہدایات جاری کر دی تھی۔

پی ٹی اے ذرائع کا کہنا ہے کہ موبائل ایپلیکیشن ٹک ٹاک کو معیار بہتر بنانے کے لیے متعدد نوٹس دیے گئے لیکن  ٹک ٹاک نے معیار کو بہتر نہ کیا  اور غیر معیاری و غیر اخلاقی مواد کو روکنے میں ناکام رہا ۔

ذرائع پی ٹی اے کا کہنا ہے کہ  ٹک ٹاک کو  عوامی شکایات پر بند کیا گیا ہے۔

ٹک ٹاک پر پابندی کے حوالے پاکستان کی معروف ٹک ٹاکر جنت مرزا نے بھی ٹک ٹاک پر پابندی کی حمایت کردی ہے۔

جنت مرزا نے بتایا کہ میں جاپان میں موجود ہوں اور اس ہی دوران مجھے پاکستان سے ٹک ٹاک پر پابندی کی خبر موصول ہوئی ہے۔

اس حوالے سے ٹک ٹاک اسٹار نے اپنی رائے دی اور کہا کہ میں خود چاہ رہی تھی کہ پاکستان میں ٹک ٹاک پر پابندی لگے۔

انہوں نے کہا کہ مکمل ایس او پیز کے ساتھ ٹک ٹاک پر پابندی ہٹائی جانی چاہیے۔

جنت مرزا نے کہا کہ پاکستان میں ٹک ٹاک کی ٹیم ہونی چاہیے  جو ہر ویڈیو کو پوسٹ سے پہلے ریویو کرے۔

انہوں نے کہا کہ اس طرح ٹیلنٹ کو فروغ دینے میں بھی مدد ملے گی۔

اس سے قبل یاد رہے پاکستان کی معروف ٹک ٹاک اسٹار جنت مرزا نے ٹک ٹاک پر بڑی کامیابی حاصل کر لی۔

ٹک ٹاک ماڈل اور فلمسٹار جنت مرزا کے ٹک ٹاک پر دس ملین فالووز ہو گئے ہیں۔

جنت مرزا کے مرد و خواتین سمیت کسی بھی پاکستانی ٹک ٹاک اسٹارز میں سب سے زیادہ فالوورز ہیں۔

یاد رہے گزشتہ روز جنت مرزا کے ایک کروڑ فالوورز مکمل ہوئے ہیں۔

دوسری جانب ٹک ٹاکر پری ڈول کا ٹک ٹاک پر پابندی کے خلاف بیان سامنے آیا ہے۔

ٹک ٹاک پر پابندی کے حوالے سے پری ڈول نے کہا کہ ٹک ٹاک پر پابندیہمارے لیے ایک بری خبر ہے۔

پری ڈول نے کہا کہ ٹک ٹاک پر پابندی لگانا اچھا قدم نہیں ہے۔

انہوں نے کہا کہ ٹک ٹاک پر چند لوگوں کی وجہ سے گندی پھیلی تھی اگر مسائل تھے تو صرف مخصوص اکائونٹ کو بلاک کرنا چاہئے تھا۔

ٹک ٹاک اسٹار پری ڈول نے کہا کہ دو تین سال کی محنت سے ٹک ٹاکرز نے اپنا نام بنایا  ہے پابندی کی وجہ سے ہماری محنت پر پانی پھیر دیا گیا ہے۔

واضح رہے کہ پری ڈول نے کہا کہ ٹک ٹاک پر سے پابندی ہٹائی جائے۔