سوئی سدرن گیس کمپنی (ایس ایس جی سی)نے سرکاری نادہندہ اسپتالوں کی گیس منقطع کر دی ۔

تفصیلات کے مطابق  سوئی سدرن گیس کمپنی (ایس ایس جی سی)کی طرف سٕے بڑے نادہندہ سرکاری اسپتالوں کی  گيس منقطع  کرنےکا سلسلہ شروع کردیا گیا ہے۔

ایس ایس جی سی نے 4 بڑے نادہندہ سرکاری اسپتالوں کی گیس منقطع کردی ہے۔

مزید پڑھیں

ایس ایس جی سی کا سرکاری نادہندہ اسپتالوں کی گیس کاٹنے کا فیصلہ

سوئی سدرن گیس کمپنی ( ایس ایس جی سی ) کی طرف...

ترجمان ایس ایس جی سی کا کہنا ہے کہ سندھ گورنمنٹ سروسز اسپتال نزد خالق دینا ہال ،آئی سی یو ٹرامہ سینٹر اینڈ کارڈک سینٹر کورنگی 5 نمبر ،  عبدالمجید صبیحانی اسپتال کھوکھراپار اور سندھ گورنمنٹ اسپتال بلاک 1 نارتھ کراچی  کی گیس منقطع کردی  گئی ہے۔

ترجمان ایس ایس جی سی کے مطابق سندھ گورنمنٹ سروسز اسپتال نزد خالق دینا ہال  پر 33 لاکھ 98 ہزار، عبدالمجید صحبیانی اسپتال کھوکھراپار پر 26 لاکھ 53 ہزار روپے،آئی سی یو ٹرامہ اینڈ کارڈک سینٹر کورنگی 5 نمبر  پر 33 لاکھ 31 ہزار 11 روپے اور  سندھ گورنمنٹ اسپتال نارتھ کراچی پر 26 لاکھ 32 ہزار روپے سے زائد کی رقم واجب الادا ہے۔

مزید پڑھیں

کے الیکٹرک ایس ایس جی سی کا ایک کھرب روپے سے زائد کا نادہندہ

کے الیکٹرک کے ایس ایس جی سی کے واجبات ایک کھرب روپے...

ترجمان ایس ایس جی سی کا کہنا ہے کہ متعدد بار  نوٹس کے باوجود کسی  قسم کی کوئی بھی پیش رفت نہیں ہو رہی تھی۔

ترجمان کا کہنا ہے کہ نادہندہ اداروں کے خلاف کارروائی کے لیے جامع حکمت عملی بنالی ہے۔ کسی بھی ڈفالٹر کے ساتھ کوئی رعایت نہیں برتی جائے گی۔