وزیراعلیٰ بلوچستان جام کمال خان نے کہا ہے کہ حکومت نے تعلیم اور صحت کے شعبے میں بہتری لانے کے لئے درجنوں منصوبے شروع کئے ہیں۔

تفصیلات کے مطابق وزیراعلیٰ بلوچستان جام کمال خان نے اپنے ایک بیان میں کہا کہ حکومت نے تعلیم اور صحت کے شعبے میں رواں سال نئے کالجز، پولی ٹیکنیک انسٹیٹیوٹ، بی آر سیز اور دیگر منصوبوں پر پانچ ارب روپے خرچ کئے جا رہے ہیں جبکہ اسی طرح اربوں روپے کی لاگت سے صوبے میں درجنوں نئے ہسپتال اور بنیادی مراکز صحت کی تعمیر شروع کی جا رہی ہیں

وزیراعلیٰ بلوچستان نے کہا کہ اس طرح بلوچستان کے علاقے تفتان ضلع چاغی میں 25بستروں کا اسپتال تربت میں 20بستر کا اسپتال، ضلع خضدار میں کارڈیک سینٹر کا قیام عمل میں لایا جا رہا ہے جبکہ نصیر آباد میں 20بستر کا جدید اسپتال کو ئٹہ میں گیسٹروانٹرولوجیکل انسٹی ٹیوٹ کا قیام ضلع واشک میں 25بستروں کا جدید اسپتال قائم کیا جائے گا۔

جام کمال خان نے یہ بھی کہا کہ ژوب میں 20 بستر کا جدید اسپتال، نصیر آباد میں نئےاسپتال کی تعمیرضلع زیارت میں تحصیل ہیڈکوارٹر اسپتال کی جدت و توسیع فاطمہ جناح اسپتال کی توسیع، مری آباد میں 30بستروں کا اسپتال شامل ہیں۔

وزیراعلیٰ بلوچستان جام کمال خان نے مزید کہا کہ ضلع لورالائی میں لڑکیوں کے لئے بورڈنگ سکول کا قیام بلوچستان کے 15اضلاع میں ڈیجیٹل لائبریوں کا قیام عمل میں لایا جا رہا ہے۔