وزیراعلی ٰسندھ مراد علی شاہ کا کہنا ہے کہ پی ڈی ایم جلسوں سے وفاقی وزرا ءپریشان ہیں۔
باغ جناح جلسہ گاہ میں میڈیا سے گفتگو کرتے ہوئے وزیراعلیٰ سندھ مراد علی شاہ کا کہنا تھا کہ پیپلز پارٹی ہر سال 18 اکتوبر کے شہیدوں کی یاد میں جلسہ کرتی ہے،اس سال یہ جلسہ پی ڈی ایم کے ماتحت ہورہاہے۔
مراد علی شاہ نے کہا کہ گوجرانوالہ میں کل پی ڈی ایم کا بڑا جلسہ ہوا جس سے وفاقی وزرا ءپریشان ہیں۔گوجرانوالہ جلسہ چھوٹا تھا تو وفاقی وزرا ءپریشان کیوں ہیں؟
انہوں نے مزید کہا کہ کل کے جلسے کے لیے بھی وفاقی حکومتی وزرا ء یہی کہیں گے لیکن میڈیا سمیت پوری دنیا نے دیکھا کہ جلسہ بڑا تھا۔
وزیر اعلیٰ سندھ نے کہا کہ اس وقت ملک میں مہنگائی ہے، حکومت نےعوام کا جینا محال کردیا ہے۔آٹا چینی مہنگی ہوتو وفاقی وزرا ءسندھ پر الزام لگاتے ہیں۔
Advertisement
مراد علی شاہ نے کہا کہ یہ کورونا کے باوجود ٹائیگر فورس کا اجلاس بند کمروں مِیں کر رہے ہیں۔ہمیں عوام کی صحت کا خیال ہے ،ہمارا جلسہ باہر میدان میں ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
