پاکستان کی گلوکارہ میشا شفیع 4 سال بعد میوزک شو ’کوک اسٹوڈیو‘ کا  حصہ بننے جا رہی ہیں۔

تفصیلات کے مطابق گلوکارہ میشا شفیع نے اس خبر کی معلومات سماجی رابطے کی ویب سائٹ ٹوئٹر پر ایک پوسٹ کے ذریعے مداحوں کی دی ہے۔

مزید پڑھیں

علی ظفر اور گلوکارہ میشا شفیع کے درمیان عدالتی جنگ جاری

پاکستان کے معروف اداکار و گلوکار علی ظفر اور گلوکارہ میشا شفیع...

Good morning and good news! ☀️♥️✌🏼#CokeStudio2020 COMING SOON!!! #ZalimaVe @cokestudio @cokepk pic.twitter.com/8kDYd3UFRL

Advertisement

— MEESHA SHAFI (@itsmeeshashafi) October 17, 2020

میشا شفیع نے ٹوئٹر پر ایک ویڈیو پوسٹ کی ہے جس کی کیمشن میں گلوکارہ نے بتایا کہ جلد کوک اسٹوڈیو آنے والا ہے اور وہ اب اس کا 4  سال بعد حصہ بھی بننے جا رہیں ہیں۔

انہوں نے اپنی ٹوئٹ میں بتایا کہ وہ کوک اسٹوڈیو 2020 میں واپس آرہی ہیں۔

گلوکارہ نے بھی اپنے سوشل میڈیا پیغامات میں اس شو کا حصہ بننے پر خوشی کا اظہار کرتے ہوئے مداحوں کو یہ خوشخبری سنائی ہے۔

کوک اسٹوڈیو میں عارف لوہار کے ساتھ ’جگنی‘ گا کر شہرت کی بلندیوں پر پہنچنے والی میشا شفیع نے اس سیزن میں بھی واپسی کا اعلان کیا ہے۔

یاد رہے کہ رواں سال کوک اسٹوڈیو کا 13 واں سیزن جلد ٹی وی اسکرین پر ریلیز کرنے کا اعلان کیا گیا تھا۔

دوسری جانب گلوکار علی ظفر نے جنسی ہراسانی کے الزامات لگانے پر میشا شفیع کے خلاف ایک ارب ہرجانے کا دعویٰ دائر کررکھا ہے۔

لاہور کی سیشن عدالت کے جج یاسرعلی نے میشا شفیع کی درخواست پر سماعت کی۔

تاہم ایڈیشنل سیشن جج نے میشا شفیع کی ہتک عزت کے دعوے پر کارروائی روکنے کی درخواست مسترد کرتے ہوئے میشا شفیع کے گواہوں کو 27 اکتوبر کو طلب کر لیا ہے۔