ترجمان دفترخارجہ زاہد حفیظ چوہدری نے کہا ہے کہ مقبو ضہ کشمیر میں قابض بھارتی افواج کا غیر انسانج و غیر قانونی محاصرہ 444 ویں روز میں داخل ہو گیا ہے۔

انہوں نے بتایا ہے کہ گزشتہ چند روز میں مزید 5 کشمیریوں کو شہید کیا گیا جبکہ 60 سے زائد نہتے کشمیریوں کو حراست میں لیا گیا بھارت نے مقبوضہ کشمیر میں کئی انگریزی اخبارات کے دفاتر سیل کر دئیے ہیں۔

زاہد حفیظ چوہدری نے کہا کہ بھارت کی جانب سے گلگت بلتستان اور آزاد جموں و کشمیر میں کسی بھی مہم جوئی کا سخت جواب دیا جائے گا بھارتی طاقت کا پول بالاکوٹ اور لداخ میں کھل چکا ہے کسی مہم جوئی کی صورت میں پاکستان کے الفاظ کی بجائے عمل بولے گا۔

انہوں نے واضح کیا کہ گلبدین حکمت یار اور عبداللہ عبداللہ کے دورے پاکستان کی جانب سے امن عمل شراکت داروں رسائی کی کوشیشوں کا حصہ ہے۔

دفتر خارجہ کے ترجمان کی جانب سے کہا گیا کہ جلال آباد بھگدڑ کے متاثرین کے اہل خانہ سے بھرپور ہمدردی کرتے ہیں بھگدڑ پاکستانی قونصل خانے سے 5 میل دور ایک اسٹیڈیم میں مچی جس کے انتظامات افغانستان کی صوبائی حکومت دیکھ رہی ہے۔

ترجمان دفتر خارجہ نے کہا کہ بھارتی میوچل ایویلیوایشن ریوئیو میں امید ہے کہ ایف اے ٹی ایف 44 بھارتی بینکوں کے منی لانڈرنگ اور اینٹی ٹیرر فنانسنگ میں ملوث ہونے کا جائزہ لے گی۔