صوبائی وزیر صحت ڈاکٹریاسمین راشد نے لاہوریوں کو خوشخبری سنادی۔

تفصیلات کے مطابق صوبائی وزیر صحت ڈاکٹریاسمین راشد کی ڈپٹی کمشنرآفس میں آمد ہوئی جہاں ڈپٹی کمشنر مدثرریاض ملک نے صوبائی وزیر صحت کو نئے سہولت بازاروں بارے بریفنگ دی۔

ڈاکٹر یاسمین راشد نے کہا کہ لاہوریوں کی آسانی کیلئے 31سہولت بازارکھول دئیے گئے، لاہوریوں کی آسانی کیلئے 31سہولت بازارکھلے رہیں گے۔

صوبائی وزیر صحت نے کہا کہ سہولت بازاروں میں آٹااور چینی وافرمقدارمیں موجود ہے، سہولت بازاروں کیلئے خصوصی کاوش کرنے پرڈپٹی کمشنر لاہور مدثر ریاض ملک کو شاباش دیتی ہوں۔

ڈاکٹریاسمین راشدنے یہ بھی کہا کہ گذشتہ ایک ہفتہ کے دوران لاہور میں ذخیرہ اندوزوں اور منافع خوروں کے خلاف بلاامتیاز کارروائی کی گئی جس پر وزیراعظم عمران خان اور وزیراعلی پنجاب سردارعثمان بزدارنے لاہورمیں اشیاء خوردونوش کی قیمتوں میں اضافے پر نوٹس لیا۔

صوبائی وزیر صحت کا کہنا تھا کہ سہولت بازاروں میں مارکیٹ کمیٹیوں کی جانب سے فیئرپرائس شاپس کھولی گئی ہیں، کنٹرول روم میں نصب کیمروں کے ذریعے تمام سہولت بازاروں کو مانیٹر کیا جائیگا۔

ڈاکٹریاسمین راشد کا یہ بھی کہنا تھا کہ سہولت بازاروں میں آٹے کا 10کلوکا تھیلا420جبکہ20کلوکاتھیلا840روپے میں دستیاب ہے جبکہ منافع خورملزمالکان کے خلاف بھی کارروائی عمل میں لائی گئی ہے۔

صوبائی وزیر صحت ڈاکٹریاسمین راشد کا مزید کہنا تھا کہ سہولت بازاروں کو سختی سے مانیٹر کیا جارہا ہے، مجسٹریٹس کے ساتھ پولیس اہلکاربھی سہولت بازاروں میں فرائض سرانجام دیں گے۔