پنجاب حکومت نے گندم کی آئندہ فصل کے لئے قیمت 1600 روپےمن  مقرر کرنے کا فیصلہ کرلیا ہے۔

تفصیلات کے مطابق وزیراعلیٰ پنجاب سردار عثمان بزدار نے سماجی رابطے کی ویب سائٹ ٹویٹر پر اپنے ایک پیغام میں گندم کی آئندہ فصل کے لئے قیمت کا اعلان کردیا گیا۔

تحریک انصاف حکومت نے اپنی کسان دوست پالیسیوں کو جاری رکھتے ہوئے گندم کی اگلی فصل کی کم از کم قیمت میں 200 روپے کا تاریخی اضافہ کرتےہوئے 1600روپے فی من کرنے کا فیصلہ کیاہے

پچھلی حکومت نے گندم کی قیمت کو 1300 روپے پر منجمد رکھا جس سے کسان پس کر رہ گئےتھے اور پیداور میں بھی کمی آئی

Advertisement

— Usman Buzdar (@UsmanAKBuzdar) October 26, 2020

‏اپنے پیغام میں وزیراعلیٰ پنجاب سردار عثمان بزدار نے کہا کہ تحریک انصاف حکومت نے اپنی کسان دوست پالیسیوں کو جاری رکھتے ہوئے گندم کی آئندہ فصل کی قیمت میں 200 روپے من اضافے کا فیصلہ کیا ہے۔

وزیراعلیٰ پنجاب نے کہا کہ‏ہم نے 2019 اور 2020 کے لیے بھی گندم کی سپورٹ پرائس بڑھائی۔

 سردار عثمان بزدار نے یہ بھی کہا کہ ‏پچھلی حکومت نے گندم کی قیمت کو 1300 روپے پر منجمد رکھا ، سابق حکومت کے فیصلے کے باعث کسان پس کر رہ گئےتھے اور پیداور میں بھی کمی آئی۔

وزیراعلیٰ پنجاب سردار عثمان بزدار نے مزید کہا کہ کسانوں کو باعزت طریقے سے اور بروقت ان کی فصل کی پوری قیمت کی ادائیگی یقینی بنائی گئی۔