صدر آزاد کشمیر مسعود خان نے باکسر عامر خان کے ہمراہ پریس کانفرنس کی۔

پریس کانفرنس میں بات کرتے ہوئے باکسر عامر خان کا کہنا تھا کہ میں لوگوں کو مقبوضہ کشمیر کی صورتحال پر لوگوں کو آگاہی دینے آیا ہوں، میں دنیا کو جاکر بتاؤں گا کشمیر میں ہندوستان کیا ظلم کر رہا ہے۔

انہوں نے مزید کہا کہ میں کشمیر کی صورتحال پر عالمی میڈیا سے بات کروں گا اور پوری دُنیا میں کشمیریوں کا سفیر بن کر جاؤں گا، میں اقوام متحدہ کے اداروں کے ساتھ ملکر بھی کشمیر کے لیے کام کروں گا۔

پریس کانفرنس کے دوران عامر خان نے کہا کہ آزاد کشمیر گیا وہاں لوگوں کو ہر قسم کی آزادی ہے اور لوگوں کو ہر قسم کی سہولیات فراہم کی جا رہی ہیں۔

باکسر عامر خان نے کہا کہ کشمیریوں کی ایک بڑی تعداد لندن میں موجود ہے جبکہ بیس ہزار سے زائد لوگوں نے کشمیریوں کے حق میں لندن میں مظاہرہ کیا اور میں کشمیری بہن بھائیوں کے ساتھ ہوں۔

انکا مزید کہنا تھا کہ پاکستانی قوم اس مشکل وقت میں کشمیریوں کے ساتھ کھڑی ہیں۔

پریس کانفرنس میں بات کرتے ہوئے مسعود خان کا کہنا تھا کہ مقبوضہ کشمیر کی صورتحال پر پوری دنیا تشویش میں مبتلا ہے۔

دوسری جانب سماجی رابطے کی ویب سائٹ پر ٹوئٹ کرتے ہوئے باکسر عامر خان کا کہنا تھا کہ پاک فوج اور ڈی جی آئی ایس پی آر کا نہایت شکرگزار ہو جنہوں نے مجھے سپورٹ کیا جبکہ ڈی جی آئی ایس پی آر سے ملاقات بھی ہوئی ہے۔

Visited #LOC Chokthi and discussed matters with @OfficialDGISPR and reiterated that a peaceful solution is required to stop all the Kashmiri people suffering pic.twitter.com/x50HFdw75D

Advertisement

— Amir Khan (@amirkingkhan) August 27, 2019

واضح رہے کہ اس سے قبل پاکستانی نژاد عالمی لائٹ ویٹ چیمپئن باکسر عامر خان نے ایل او سی کا دورہ کرکے بھارت جارحیت کے خلاف کشمیریوں سے بھارتی یکجہتی کا اظہار کیا اور اس موقع پر باکسر عامر خان نے میڈیا سے گفتگو کرتے ہوئے عامر خان نے کہا کہ میں برطانیہ سے کشمیریوں سے اظہار یکجہتی کے لیے آیا ہوں، چاہتا ہوں جس طرح آزاد کشمیر میں امن ہے ایسے ہی مقبوضہ کشمیر میں ہو۔