پاکستان کی سرکاری سطح پر درآمد کی جانے والی چینی پاکستان پہنچ گئی۔

حکام وزرات صعنت و پیدوار کے مطابق  سرکاری سطح پر  ٹریڈنگ کارپوریشن آف پاکستان کی طرف سے درآمد کی جانے والی چینی لے کے جہاز آج پورٹ قاسم پہنچ گیا ہے۔

حکام کا کہنا ہے کہ  جہاز 25 ہزار میٹرک ٹن چینی لے کر پاکستان پہنچا ہے۔  پورٹ قاسم پر چینی کی آف لوڈنگ شروع کر دی گئی ہے۔ چینی مصر سے درآمد کی گئی ہے۔

وزرات صعنت و پیدوار  کے حکام کا کہنا ہے کہ  چینی کا دوسرا جہاز 50 ہزار میٹرک ٹن چینی لے کر 30 اکتوبر کو پاکستان پہنچ رہا ہے۔

حکام کا کہنا ہے کہ  درآمدی چینی پنجاب اور یوٹیلیٹی اسٹورز کو فراہم کی جائے گئی ۔  25 ہزار میٹرک ٹن میں سے 5 ہزار میٹرک ٹن چینی یوٹیلیٹی اسٹورز اور 20 ہزار پنجاب کو دی جائے گی۔

حکام کا مزید کہنا ہے کہ  درآمدی چینی کی پورٹ قاسم تک فی کلو لاگت 72 روپے فی کلو پڑی ہے۔ ٹرانسپورٹ چارجز اور ریٹیلرز منافع کے بعد اوپن مارکیٹ میں چینی 80 روپے فروحت کی جائے گئی۔

وزرات صعنت و پیدوار  کے حکام کا کہنا ہے کہ  یوٹیلیٹی اسٹورز پر چینی کی فی کلو قیمت 68 روپے برقرار رہے گی۔

حکام کے مطابق مجموعی درآمدی چینی کی پورٹ پر اوسط قیمت 75 روپے آئے گئی جبکہ  اوپن مارکیٹ میں مجموعی درآمدی چینی کی اوسط قیمت 80 سے 83 روپے فروخت ہو گی۔

پنجاب درآمدی چینی کی فروخت کی مونیٹرنگ کرے گا۔ وفاق یوٹیلیٹی اسٹورز کو درآمدی چینی میں سے مجموعی طور پر 25 ہزار میٹرک ٹن چینی دےگا۔

حکام کا مزید کہناہے کہ یوٹیلیٹی اسٹورز کو درآمدی چینی کا کوٹہ بڑھا کر 50 ہزار میڑک ٹن تک کرنے کی تجویز  بھی زیر غور ہے۔