وزیر داخلہ اعجاز احمد شاہ کی اٹلی کے سفیر اینڈریس فیراریس سے وزارت داخلہ میں خصوصی ملاقات ہوئی جس میں دونوں ممالک کے درمیان باہمی مشاورت اور ہم آہنگی کو مزید مستحکم بنانے پر زور دیا گیا۔

ملاقات میں ثقافتی اور دیگر امور کے بارے میں معاملات پر تبادلہ خیال کیا گیا۔

ملا قات کے دوران وزیرداخلہ اعجاز احمد شاہ نے اٹالین سفیر سے بتدریج بڑھتے ہوئے اسلامو فوبیا سے متعلق موقف دریافت کیا۔

اعجاز احمد شاہ نے کہا کہ فرانسیسی صدر کی جانب سے دیئے گئے بیان پر تمام امت مسلمہ میں غم و غصے کی لہر دوڑ گئی ہے جس پر سفیر نے کہا کہ ہم نے اپنے لوگوں کو اس موضوع پر محتاط رہنے کا کہا ہے۔

نے یہ بھی کہا کہ اسلام پر امن مذہب ہے جبکہ رواداری اور برداشت وقت کی اہم ضرورت ہے۔ وزیر داخلہ

 اعجاز احمد شاہ کا کہنا تھا کہ مذہب اور دیگر معاملات زندگی میں انتشار اور نفرت انگیز کلمات سے گریز کرنا چاہئے، یہ ایک حساس معاملہ ہے جبکہ اسلامو فوبیا سنگین مسئلہ بنتا جا رہا ہے۔

وزیر داخلہ اعجاز احمد شاہ کا مزید کہنا تھا کہ وزارت داخلہ سے متعلق معاملات میں ہر ممکن تعاون کو جاری رکھیں گے۔

ملاقات میں اٹلی کے سفیر اینڈریس فیراریس نے کہا کہ دونوں ممالک کے درمیان تعلقات ہمیشہ سے مثبت سمت میں رہے ہیں۔

اٹلی کے سفیر اینڈریس فیراریس نے مزید کہا کہ اٹلی میں پاکستانی کمیونٹی کافی بڑی تعداد میں موجود ہے جبکہ پاکستان کے ساتھ تعلقات متوازن ہیں اور دونوں جانب سے تعاون کیا جاتا ہے۔