برطانوی شاہی خاندان نے شاہی محل میں امورِ خانہ داری کے لیے ملازمت کا اشتہار دے دیا۔

غیر ملکی خبر رساںا دارے کے مطابق اس نوکری کے لیے کوئی بھی اپلائی کر سکتا ہے۔

مزید پڑھیں

شاہی خاندان سے علیحدگی: مجھے ہراساں کیا گیا، میگھن نے خاموشی توڑ دی

میگھن مارکل نے خاموشی توڑ دی اور حقیقت بتا دی۔ تفصیلات کے...

یاد رہے کہ شاہی خاندان کی ویب سائٹ پر ’دی رائل ہاؤس ہولڈ‘ کے نام سے ایک آسامی کا اعلان کیا گیا۔

دوسری جانب یہ دوسرے درجے کی شاگردی کی نوکری ہے جس کے لیے منتخب ہونے والا امیدوار ونڈسر کیسل میں ہی رہے گا جبکہ اپنے کام کے سلسلے میں اسے بکنگھم پیلس بھی جانا پڑے گا۔

ملازمت پر آنے والی شخص کو محل میں رکھے قیمتی سامان کی صفائی کا خاص خیال رکھنا ہوگا اور انھیں ان کی بہترین حالت میں سجا کر پیش کرنا ہوگا۔

اس حوالےسے شاہی خاندان کے لیے ملازمین کو منتخب کرنے کی ذمہ دار کمپنی کا کہنا ہے کہ شاہی خاندان کے لیے بہترین امیدوار تلاش کرنا گھاس کے ڈھیر سے سوئی ڈھونڈنے کے مترادف ہے

خیال رہے کہ ویب سائٹ کے مطابق یہ مستقل پوزیشن ہے، اور جسے بھی اس کام کے لیے منتخب کیا جائے وہ سب سے پہلے 13 ماہ کی ٹریننگ حاصل کرے گا اور اس کے بعد پھر اسے مستقل طور پر کام کے لیے رکھ لیا جائے گا۔

واضح رہے کہ اس میں دی رائل ہاؤس ہولڈ کی تنخواہ 19 ہزار 140 پاؤنڈز جو تقریباً 40 لاکھ پاکستانی روپے بنتے ہیں۔