ڈائریکٹر جنرل آئی ایس پی آر میجر جنرل آصف غفور کا کہنا ہے کہ عظیم قومیں اپنے شہیدوں کو یاد رکھتی ہیں۔

پاک فوج کے شعبہ تعلقات عامہ (آئی ایس پی آر ) میں یوم ِ دفاع و شہدا ۲۰۱۹ کے حوالے سے  کانفرنس   ہوئی جس میں ملک بھر سے سول و فوجی حکام  نے  شرکت  کی ۔

کانفرنس سے خطاب کرتے ہوئےڈی جی آئی ایس پی آر میجر جنرل آصف غفور نے بتایا کہ یوم ِ دفاع و شہدا ۲۰۱۹کی  مرکزی تقریب جی ایچ کیو میں منعقد ہو گی۔

انہوں نے کہا کہ یومِ دفاع و شہدا کی تقریب کے فارمیٹ میں تبدیلی کی گئی ہے، جی ایچ کیو میں شام کے وقت تقریب نہیں ہو گی۔ اس سال سے یہ تقریب دن کے وقت منعقد ہو گی اور  صرف شہدا کے لواحقین اورغازی شرکت کریں گے۔

ڈی جی آئی  ایس پی آر کا مزید کہنا تھا کہ آرمی چیف جی ایچ کیو میں یاد گارِ شہدا پر حاضری دیں گے اور پھول چڑھائیں گے جبکہ شہدا کے لواحقین اور غازیوں سے ملاقات  بھی کریں گے۔

میجر جنرل آصف غفور نے کہا کہ اسی طرح فارمیشن اور شہر شہر تقریبات ہوں گی ۔ یومِ دفاع کی مناسبت سے چھاؤنیوں میں ہتھیاروں کی نمائش  بھی ہوگی۔”کشمیر بنے گا پاکستان“ تقریبات کا حصہ ہو گا۔

ڈی جی آئی ایس پی آر کا کہنا تھا کہ پچھلے سال کی طرح عوامی مقامات پر شہیدوں کی تصاویر لگائی جائیں گی۔ بسوں، ٹرکوں، ریلوے اسٹیشن، ائیر پورٹ اور مارکیٹس میں شہیدوں کی تصاویر لگائی جائیں گی۔شہید  کےگلی، محلے، گاؤں اور شہر میں اُن کی تصاویر لگائی جائیں گی۔ عوام سے بھرپور شرکت کی اپیل۔

انہوں نے کہا کہ پچھلے سال پہلی دفعہ ہر شہید کے گھر جانے کا پروگرام شروع کیا گیا جو جاری رکھا جائے گا۔

میجر جنرل آصف غفور نے کہا کہ پچھلے سال بہت اچھا ریسپانس رہا،ہر شہید کو یاد کیا گیا۔ اس سال بھی ہر شہید کے گھر پہنچیں گے۔ عوام سے درخواست ہے کہ شہیدوں کے لواحقین سے ملیں اور ان کا شکریہ ادا کریں۔

میجر جنرل آصف غفور  نے وزیراعظم کے اعلان کردہ ”کشمیر آور“ کے سلسلے میں بھی بات چیت۔

انہوں نے کہا کہ حکومت کے اعلان کے مطابق 12بجے ملک بھر میں سائرن بجائے جائیں گے۔ 12بجے قومی ترانہ اور کشمیر کا ترانہ بجایا جائے گا۔ پوری قوم اپنے اپنے علاقے  اور کام کی جگہ اکٹھی ہو گی۔

ڈی جی آئی ایس پی آر نے نوجوانوں بالخصوص طلبا سے شرکت کی درخواست کرتے ہوئے کہا کہ کشمیریوں کے ساتھ یکجہتی کا اظہار کیا جائے ۔

انہوں نے کہا کہ تقریبات میں ملکی ہیروز، شوبز اور میڈیا کے نمائندے اور میڈیا بھرپور شرکت کرے گا۔