وفاقی وزیر مواصلات اور پاکستان تحریک انصاف (پی ٹی آئی) کے رہنما مراد سعید نے کہا ہے کہ پاکستان کے انصاف کے نظام اور سیکورٹی اداروں کو کمزور کرنا ان کا اصل ایجنڈا ہے۔

تفصیلات کے مطابق وفاقی وزیر مواصلات اور پاکستان تحریک انصاف (پی ٹی آئی) کے رہنما مراد سعید نے اسلام آباد میں پریس کانفرنس کے دوران مسلم لیگ (ن) پر کڑی تنقید کرتے ہوئے کہا کہ نواز شریف مودی کی حلف برداری تقریب میں حریت رہنماوں سے ملاقات کے بنا واپس آئے جبکہ نواز شریف خفیہ طور پر کاروبار کرتے تھے اور ڈان لیکس کرتے تھے۔

وفاقی وزیر مواصلات نے کہا کہ بھارت میں تعینات پاکستانی سفارتکار نے کہا شریف فیملی کس کے ویزوں کے لیے درخواست کرتے تھے ، نواز شریف نے بھارتیوں کی عادتیں خراب کر دی تھی اور اب نواز شریف کہتا تھا انڈیا پر ہاتھ زرا ہلکا رکھیں۔

مراد سعید نے یہ بھی کہا کہ 27 فروری صرف افواج پاکستان اور ایک پارٹی کی جیت نہیں بلکہ پاکستان کے ہر بچے، نوجوان اور بزرگ کی جیت تھی ،27 فروری کو بھارت کے غرور کو ابھی بندن کی صورت آسمان گرتا دیکھا۔

وفاقی وزیر مواصلات کا کہنا تھا کہ ہم غداری کے فتوے نہیں بانٹ رہے لیکن چند لوگ اپنی ذات کو ملک پر ترجیح دے رہے ہیں۔

مراد سعید نے کہا کہ عمران خان جب حکومت میں ائے تو انڈیا کو جارحیت کا بھرپور جواب ملا جبکہ عمران خان نے ناموس رسالت کے مقدمہ بین الاقوامی برداری کے سامنے رکھا۔

پاکستان تحریک انصاف (پی ٹی آئی) کے رہنما مراد سعید نے مزید کہا کہ وزیراعظم عمران خان نے کسی کی پرواہ کیے بغیر یہ سب کچھ کیا جبکہ وزیراعظم عمران خان کشمیر کے حالات پر عالمی برداری کے سامنے حقائق رکھے جبکہ عمران خان نے ناموس رسالت کشمیر اور فلسطین کا ایشو دنیا کے سامنے اجاگر کیا۔