وزیر کالونیز و جیل خانہ جات پنجاب فیاض الحسن چوہان نے کہا ہے کہ پنجاب کی جیلوں سے وی آئی پی کلچر کا خاتمہ اولین ترجیح ہے۔
تفصیلات کے مطابق وزیر کالونیز پنجاب فیاض الحسن چوہان کو محکمہ جیل خانہ جات کا اہم ٹاسک سونپ دیا گیا، فیاض الحسن چوہان نے قلمدان سنبھالتے ہی پہلا محکمہ جاتی حکمنامہ جاری کردیا ہے۔
اپنے پہلے حکمنامے میں وزیر کالونیز و جیل خانہ جات پنجاب نے حمزہ شہباز اور شہباز شریف کو کوٹ لکھپت جیل میں دی جانے والی سہولیات کی تفصیلات طلب کر لیں۔
فیاض الحسن چوہان نے کہا کہ تمام قیدیوں کو یکساں اور بہترین سہولیات فراہم کرنا میرا مشن ہے، کسی بھی قیدی سے امتیازی سلوک کو ہرگز برداشت نہیں کیا جائے گا۔
وزیر کالونیز پنجاب فیاض الحسن چوہان نے مزید کہا کہ وزیراعظم عمران خان اور وزیر اعلٰی پنجاب سردار عثمان بزدار کی قیادت میں پنجاب کی جیلوں کو بحالی کے مراکز بنائیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
