وفاقی وزیر علی امین گنڈا پور نے کہا ہے کہ ہم نے فیصلہ کیا ہے کہ گلگت بلتستان کو صوبہ بنائیں گے اور اب گلگت بلتستان کا صوبہ بن نہیں رہا ہے بلکہ بن چکا ہے۔

تفصیلات کے مطابق وفاقی وزیر علی امین گنڈا پور  نے تقریب سے خطاب کرتے ہوئے کہا ہے کہ 14 دنوں میں پتہ چل گیا تھا کہ گلگت بلتستان کے مسائل کیا ہیں۔

انہوں نے کہا کہ گلگت بلتستان کے عوام الگ عبوری صوبہ چاہتے ہیں تاہم ن لیگ اور پیپلز پارٹی نے عبوری آئینی صوبے کی مخالفت کی ہے۔

انہوں نے بتایا کہ ماضی کی حکومتوں نے گلگت بلتستان کو بے روزگاری کا تحفہ دیا لیکن آج ہماری حکومت نے گلگت بلتستان کے عوام کے لیے روزگار کے دروزاے کھول دیئے ہیں۔

اپنے خطاب میں انہوں نے بتایا کہگلگت بلتستان میں توانائی کے نئے منصوبے شروع ہو چکے ہیں جبکہ میڈیکل کالج اور انجیئرینگ کالج کی منظوری ہو چکی ہے،گندم کے کوٹے میں ایک لاکھ بوری کا اضافہ کیا گیا ہے۔

علی امین کا کہنا تھا کہ عمران خان عوام کی جنگ لڑ رہا ہے ،عوام گلگت بلتستان میں ہماری حکومت بنائیں اور شتونگ نالے کا پروجیکٹ میں پورا کرونگا۔

انہوں نے کہا کہعوام ووٹ دیں سکردو کو مثالی شہر بناوں گا، سکردو میں طالبات کے لیے بھی کالج بناونگا اور ہر گاوں میں پینے کا صاف پانی مہیا کیا جائے گا۔